LUKAS 6:23 - KITAB NU TUMPU ALLA LELE MA'IMAI'

²³ To nabi-nabi tempo'nyo u'utu mae binau suele sumo aitu. De han aijo' jadi, posanangmo na kinyonyoa miu, ka' mosalele lame-lame', kalana daka' na tamboonyo pinosadiamo bau bagi miu i suluga'.

LUKAS 6:23 Iomraidhean Croise

2 SAMUEL 6:16

Salatan Peti' aijo' hau-haunyomo minsoop i kota' i Mikhal anak boune i Saul nontoamo mae itolongan ka' nontoamo i Tomundo' Daud nahalumpatanmo na nonsalelei salaku bau pongadatinyo TUMPU, i Mikhal nompai nolua'imo na nontoa i Daud.

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

1 TOMU-TOMUNDO' 19:14

Tinaaman i Elia, “O Tumpu, Tumpu Allah Anu Daka' na kuasa'nyo, aku saja'mo nokalaja ola samata-mata mombau anu o palentahkon nu Belento. Panyo' mian nu Israel anu pinalesayamo hi belento nolanggaimo palajanjian nu aha hi belento. Aha nohobo'akonmo mezbah nu belento ka' pinaha pateanmo nu aha na iwi-iwi' na nabi nu belento. Me aku aiya sausa' na daagi' tutuu', ka' uuka aiya aha kahanda'mo mompatei aku!”

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TOMU-TOMUNDO' 21:20

Salatan i Ahab nontoamo i Elia, ia notataemo, “Osampo bali', ahennyo beleyum nohumpakmo aku!” “Totu'u,” na koonyo i Elia. “Kalana Belento Tuan totu-totu'u ahi' na kinyonyoa nombau anu ma'idek hi mata nu Tumpu,

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

2 TOMU-TOMUNDO' 6:31

I Tomundo' notataemo daka-daka', “Sinamo aiya na kapatean i Elisa. Pojohokmo da nupiboatimo nu Tumpu Allah na mohukum mae aku, panyo ku pateimo na i Elisa!”

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 58:11

Montoa mian anu ma'idek na kinyonyoanyo i hukumo, mian anu hodi' na kinyonyoanyo i lame'mo, ka' mombaso'imo tengkenyo i baso' nu mian anu palaganta.

YESAYA 35:6

Mian anu kinapi'mo maha lumpatanmo susumo jonga, mian anu imomo'mo lewa'mo molo ais kalana ilame'mo. Kalana mata nu uee lubatmo ipadang tampat anu mateges, kaunyo mo ilimo ipadang tampat anu ewa.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

LUKAS 1:41

Ka' salatan i Elisabet nohongomo tabea' i Maria i uno nu ma'alum hi Elisabet nongkohenggomo. Lantas i Elisabet kinuasanmo nu Roh nu Tumpu,

LUKAS 1:44

Salatan aku nohongo tabea' nu belento, anak anu i uno nu ma'alumku nongkohenggomo kalana ilame'mo.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

SISIKON NU TO RASUL-RASUL 14:10

ka' i Paulus notatae daka-daka', “Tinjomo hodi-hodi!” Mian aijo' nalalumpat tinuminjo lantas i lumajang.

SISIKON NU TO RASUL-RASUL 3:8

Lantas ia nalalumpat tinuminjo, ka' mulai i lumajang mokiijo' ka' no'uuka mae. Lapas aitu ia ninsoop nokiijo' i Laigan nu Tumpu nojajalan tiba i Petrus ka' i Yohanes, hau-haunyo i lumajang maha-mahalumpatan ka' mompuji-puji' Tumpu.

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

ROMA 5:3

Ka' misa' ola aijo', kita mule' lame' i uno nu kasansala'an, kalana osumbu'to kasansala'an mombau mian timbali tapakuun,

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

2 TIMOTIUS 2:12

De kita tataap sabaan, kita mompalentahje suele tiba Ia. De kita madi'mo mongakui Ia, Ia suele madi'mo mongakui kita.

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

YAKOBUS 1:2

To Utu-utus! De komiu mongoa'i ngangahan nu soba'an, oa'i na aijo' salaku sumo ka'untungan.

1 PETRUS 4:13

Ola ahi' komiu sabenannyo mongoa'i sanang kalana sansalamo hingga-hinggat tiba i Kristus. Sahingga de saidi' mae katalasanggoan i Kristus opotoamo, komiu balame-lame'je.

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:26

Aha anu inguntungmo, i uno nu kasabalan ka' anu sampe toka imihinyo na mombau apaa na anu Ku kahanda'i, Kubee'ije kuasa anu pokakana sumo anu i humpak-Kumo hi Tuumang-Ku. Aha montalimaje kakuasa'an hi beleng-Ku da mompalentah to bansa-bansa nu tokon besak, da bau pohopu'i to bansa-bansa aijo' sumo kuhon tano'.

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.

ANU PINOTO'I HI YOHANES 3:12

Mian anu inguntungmo, Ku potimbali sumo ahi' i uno nu Laigan Susi' nu TumpungKu, ka' ia jojongje i tampat aijo' sampe toka sidu-sidutu'. Sanggo nu TumpungKu, ka' sanggo nu kota nu TumpungKu – aijo'mo Yerusalem bu'ou anu mintatau'je mae lengkat i suluga', lengkat hi TumpungKu – Ku tulisje i butong nu mian aijo'. Suele sanggong-Ku anu bu'ou Ku tulisje i butongnyo.

ANU PINOTO'I HI YOHANES 3:5

Hi aha anu inguntungmo i uno nu kasabalan opopakeje na juba' mopute'. Sanggo nu aha madi'mo ohapus i Kitab nu Mian Tumuu'. Ka' i ahop nu Tuumang-Ku ka' to mala-malaikat-Nyo Ku Akuije na aha atina', Akumo na tumpu-Nyo.