LUKAS 6:21 - KITAB NU TUMPU ALLA LELE MA'IMAI'

²¹ Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

LUKAS 6:21 Iomraidhean Croise

KAJADIAN 17:17

Lantas i Abraham tinolodadupumo, panyo ia tinolokojomo salatan nompotutugakonmo, “Te daagi' timbali samian na mo'ane anu umunnyo sa'atumo na taun daagi' mohumpak anak? Te daagi' timbali na i Sara mohampeakon anak sadang umunnyo siniompulu'mo na taun?”

KAJADIAN 21:6

I Sara notataemo, “Tumpu Allah nompolame'mo kinyonyoangku sahingga aku kinumojomo. Batu-batu mian anu mohongo han aiya tantu kumojomo kalana lame'mo hingga-hinggat tiba aku.”

MAZMUR 107:9

Kalana Ia nompopuasmo mian anu i negotmo, ka' nombee'i molabi-labi mian anu no'ohopmo nu iwi-iwi' na anu ma'ima'.

MAZMUR 119:136

Lolu'ku no ilimo susumo kaunyo, kalana atulan nu Belento madi'mo tinulutan.

MAZMUR 143:6

Aku balado'a hi Belento lima opotala; sumomo tano' anu notiismo, santuu'ku nongindimo Belento.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 65:4

Dosa'ku iwi-iwi' naboatmo hondo hi belengku, panyo ingampunanmo nu Belento.

YESAYA 25:6

I Puge'nyo nu Sion, Tumpu Anu Daka' na Kuasanyo momposadiamo anu okaan i bau-bauon nu aha iwi-iwi' na bansa i dunia aiya. Nu tatuakonmo na kaanon anu toto ima-ima' hondo tiba anggur anu memang pinile'anmo.

YESAYA 30:19

O, belemiu anu jojoong i Yerusalem, belemiu madi'mo me saja' humang. Tumpu mongkalibosimo, ka' sampamo montaami belemiu de belemiu mongkakasemo momoita tulung hi Ia.

YESAYA 66:10

Balame-lame'mo tiba Yerusalem, o mian iwi-iwi' anu mongka'milui ia. Komiu anu sinusa'mo kalana ia, uuka aiya timbalimo balame-lame'.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEREMIA 31:25

Aha anu nalawemo Ku pohosonmo ka' anu ilundengmo kalana no'ohopmo Ku pobosumo.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

MATIUS 5:6

Bila-bilahi na mian anu molibos na mombau pongka'oho' nu Tumpu; Tumpu mompopuasje aha!

LUKAS 1:53

Mian mo'ohop pinopuas-Nyo nu iwi-iwi' na ka'ima'an, mian kaya i laa'akon tiba madi' ko apa-apaa.

LUKAS 6:20

I Yesus nontoa anu saja' mombatuki Ia, lantas notatae, “Bila-bilahi na komiu to mia-mian kasiasi, kalana komiu minsoop mian anu palesayamo hi Tumpu!

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

LUKAS 6:25

Silaka na komiu anu mobosu uuka aiya; kalana komiu saidi' mae mo'ohopmo! Silaka na komiu anu kumojo uuka aiya; kalana komiu saidi' mae susa' na kinyonyoa ka' humaang!

YOHANES 11:35

Lantas i Yesus i humangmo.

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

1 KORINTUS 4:11

Sampe tempo' uuka kami mongoa'i susa' i anu okaan tiba susa' i anu o inum; baju' mami me anu i butong; mian monsakisa kami; kami madi' ko kajojoongan tataap:

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

2 KORINTUS 6:10

Mau mule' kinyonyoa mami oposusa', panyo kami saja' ahi' lame'. Kami otoa kasiasi, panyo kami nompotimbalimo manjoo' na mian kinayamo. Otoa kami madi' ko apa-apaa, panyo sabenannyo iwi-iwi' daagi' hi kami.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

ANU PINOTO'I HI YOHANES 7:16

Aha madi'mo daagi' mongoa'i mo'ohop kabai megot; batu nu sinaa kabai singit anu mapanas hondo madi'mo daagi' montoyo'i aha,