LUKAS 6:11 - KITAB NU TUMPU ALLA LELE MA'IMAI'

¹¹ Panyo to gulu-gulu' agama tiba to mia-mian nu Farisi pinusamo hondo, ka' mulai binasale' pa' apaa na anu timbali nubau nu aha hi Yesus.

LUKAS 6:11 Iomraidhean Croise

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

MATIUS 16:7

Nohongo potatae i Yesus aijo', anu saja' mombatuki Yesus nontampu'unimo notatae samian ka' samian, “Ia motatae sumo aijo', kalana kita madi' mae nomboa roti.”

MATIUS 21:45

Salatan Kapala nu to Ima-imam ka' to mia-mian Farisi nohongo kantuangan i Yesus aijo', sinumbu'mo nu aha na i Yesus taalu' monsisik aha.

LUKAS 4:28

Iwi-iwi' na mian i laigan pogalejaan aijo' pinusa hondo salatan nohongo han aijo'.

LUKAS 6:10

I Yesus nontoa aha iwi-iwi' anu montikubi, lantas notatae hi mian aijo', “Tajuakon mae na limaum.” Tinajuakon nu mian aijo' na limanyo, sahingga limanyo na'alin.

LUKAS 6:12

Tempo'nyo aitu i Yesus nindako i sa'angu' na bungkutnyo da balado'a. I kiijo' Ia binalado'a hi Tumpu sinampahu.

YOHANES 11:47

Kalana aijo' to mia-mian nu Farisi tiba to Kapala-kapala nu imam nombau sale' tiba Mian Kopian Daka' nu Agama. Aha notatae, “Apaa na tionyo obaunto? Mian aijo' mombau manjoo' na anu okabangangi!

YOHANES 7:1

Lapas aijo' i Yesus nambamo noyaya i Galilea. Ia madi' mongka'oho' mamba i tano' nu Yudea kalana anu mongkuasai Yahudi i kiijo' mae kahanda'mo mompatei Ia.

SISIKON NU TO RASUL-RASUL 26:11

Saja' aku monsakisa aha i to lai-laigan pogalejaan, da mompakisa aha mombahakon apaa na anu nupalesaya nu aha. Sumo aijo' na ko singginyo nu kinyonyoangku hi aha, sahingga namba nokiijo' i kota-kota sangga'at mule' aku nololoi' aha i kiijo' mae.”

SISIKON NU TO RASUL-RASUL 4:15

Sahingga aha nonsai ua-ua'aha na rasul aijo' mosabat lengkat i uno nu Pongulusan Palakala, lapas aijo' aha nombisalakonmo.

SISIKON NU TO RASUL-RASUL 4:19

Panyo i Petrus ka' i Yohanes nontaami, “Posi tutugimo apaa na anu totu'u i ahop nu Tumpu: mombatuki palentah nu to Tutuuma kabai mombatuki palentah nu Tumpu.

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

SISIKON NU TO RASUL-RASUL 7:54

Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.

2 TIMOTIUS 3:9

Panyo madi' ko anu nu pihumpa-humpak nu aha, kalana kaponga'an nu aha nu sumbu'mo nu mian iwi-iwi', sumomo anu ingoa'an i Yanes tiba i Yambres suele.