LUKAS 5:5 - KITAB NU TUMPU ALLA LELE MA'IMAI'

⁵ “Tuumangku Gulu',” tinaaman i Simon, “Sinampahu na uutu kami binakalaja totu-totu'u, panyo madi' ko anu pini humpa-humpak! Panyo kalana opokaunto Tuumangku, ma'ima'mo; da po'ule' ku sambuangakon na buani'.”

LUKAS 5:5 Iomraidhean Croise

YEHEZKIEL 47:10

Lengkat mae i mata nu uee anu kiijo' i En-Gedi toka-toka i mata nu uee anu kiijo' i En-Eglaim, ibahagian sonibinyo lame'mo nu to mia-mian anu mompagala ikan kalana aha montimpa'imo buani' nu aha ikiijo'. Iwi-iwi na ngahan nu ikan jojoongmo iuno nu uee aijo' susumo kiijo' i Ambai anu i Totonga'nyo.

LUKAS 17:13

Ka' noloboo', “Yesus! Yesus! Kalibosi na kami!”

LUKAS 8:24

Anu saja' mombatuki Yesus nambamo hi Ia, ka' nombulakon Ia. Aha notatae, “Tuumangku Gulu', Tuumangku Gulu', kita silakamo!” I Yesus nobula ka' nonsegai baleba', ka' bokon anu hau-haunyo kumelembuang aijo'. Baleba' ka' bokon aijo' binelenti ka' dowiwi aijo' tinendamo hondo.

LUKAS 8:45

Pinokilawa i Yesus, “Ihe na anu nontiik Aku?” Iwi-iwi' na mian nojalomo. Lantas i Petrus notatae, “Kita Tuuma, manjoo' hondo na mian tiku-tikup hi kita Tuuma; aha nogogensotanmo atina' hi kita Tuuma!”

LUKAS 9:33

Tempo'nyo ua'aha na mian aijo' nompala'imo i Yesus, i Petrus notatae hi Yesus, “Kita Tuumangku Gulu', sanang hondo na kita i aiya. Sahanyo kami mombaumo totolu' na palung: sa'angu' anunto nu kita Tuan, sa'angu' anu i Musa, sa'angu' mule' anu i Elia.” (I Petrus notatae sumo aijo', madi' sinumbu'nyo pa' apaa na anu tinaloakonnyomo.)

LUKAS 9:49

Koonyo i Yohanes, “Kita Tuan, kami nontoamo mian nolaa' setan nonsanggo sanggonto Tuan, ka' kami nontewa' ia, kalana ia misa' lengkat hi kita.”

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

YOHANES 2:5

Panyo tina i Yesus notatae hi to posa-posaihon, “Baumo pa' apaa na anu tinaloakon-Nyo hi komiu.”

YOHANES 21:3

Koonyo i Simon Petrus hi sangga'at, “Aku ka'oho' mamba mompagala ikan.” “Kami mombatuk,” na koonyo nu aha hi ia. Aha namba sinumake' i duangan. Panyo sinampahu aitu aha madi' nohumpak apa-apaa.