LUKAS 5:35 - KITAB NU TUMPU ALLA LELE MA'IMAI'

³⁵ Panyo tokaje na tempo'nyo boting mo'ane aijo' o'alamo lengkat aijo' hi aha. Tempo'je aijo' na aha bapuasa'.”

LUKAS 5:35 Iomraidhean Croise

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MATIUS 9:15

I Yesus nontaami, “Mosiamo na pongka'oho' miu? Timbali na to mia-mian anu o laga i bau-bauon po'osoan mongoa'i susa' na kinyonyoa de boting mo'ane daagi' hingga-hinggat aha? Tantu i madi'! Panyo tokaje na tempo'nyo boting mo'ane aijo' o alamo hi aha. Tempo'je aitu yo aha bapuasa'mo.

MARKUS 2:20

Panyo tokaje na tempo'nyo boting mo'ane aijo' o'alamo lengkat kiijo' hi aha. Tempo'je aijo', atina'je ka' aha madi' mongkaan.

LUKAS 17:22

Lapas aijo' i Yesus notataemo hi anu saja' mombatuki Ia, “Tokaje na tempo'nyo komiu kahanda' montoa sansinaa, i sinaa Anak nu Mian, panyo komiu madi' moko ala toa.

LUKAS 5:34

I Yesus nontaami, “Timbali na komiu mompokau to mia-mian bapuasa' i bau-bauon po'osoan, hau-haunyo boting mo'ane daagi' hingga-hinggat ka' aha? Tantu madi'?

LUKAS 5:36

Lantas i Yesus nonsisikakon hi aha kantuang aijo', “Madi' ko mian montamban baju' mahudemo tiba geat nu hude bu'ou. Kalana ia mombeak baju' anu bu'ou aijo'. Ka' mule' hude pontamban anu bu'ou aijo' madi' mompahakona tiba baju' anu mahudemo.

YOHANES 12:8

Mian kasiasi saja' aiya hi komiu, panyo Aku madi'.”

YOHANES 13:33

To ana-anak-Ku, Aku madi'mo daagi' piin na jojoong tiba miu. Olioje komiu na Aku, panyo sumo anu tinaloakon-Kumo hi anu mongkuasai Yahudi, sumo aitu suele na Ku taloakon hi komiu; i tampat kalambanan-Ku madi' opoko toka miu.

YOHANES 16:28

Memang Aku nolengkat mae hi Tuuma, ka' tinokamo i uno nu dunia. Panyo uuka Ku pala'imo na dunia minsusule'mo hi Tuuma.”

SISIKON NU TO RASUL-RASUL 1:9

Noko potatae na i Yesus sumo aijo', Ia i hangkatmo nokiita' i suluga' i ahop nu mata nu aha, ka' sehu' nongkulubimo Ia, madi'mo tinoa nu aha.

SISIKON NU TO RASUL-RASUL 14:23

Ka' i toto sa'angu' na jama'at, i Paulus ka' i Barnabas nohangkatmo to pola-polaya' nu to jama-jama'at aijo'. Lantas binalado'a ka' binapuasa', aha nompotalima to pola-polaya' aijo' hi Tumpu anu nupalesaya nu aha aijo'.

SISIKON NU TO RASUL-RASUL 3:21

Ia tionyo jojoong i suluga' sampe Tumpu mompotimbalimo iwi-iwi' bu'ou sumo anu tinaloakonmo nu Tumpu hi to nabi-nabi-Nyo, anu pinotokanyo hi komiu daagi' pe'e u'utu mae.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.