LUKAS 5:30 - KITAB NU TUMPU ALLA LELE MA'IMAI'

³⁰ To pia-piangkuka na mian nu Farisi ka' to gulu-gulu' agama mongoa'i madi' sanang, lantas notatae hi anu mombatuki Yesus, “Kadaka' komiu iwi-iwi' mongkaan ka' monginum tiba topo tage hasin, ka' to mia-mian madi' ma'ima'?”

LUKAS 5:30 Iomraidhean Croise

YESAYA 65:5

Aha notatae, ‘Lako'mo patikojo'on boli mondedes kami kalana kami susi' ka' madi'mo mati ohani tiba belemiu!’ Aku madi'mo moko ala montoa kalakuan nu aha! Tambuha'-Ku hi aha sumomo apu anu madi' toho' mate.

MATIUS 5:46

Kalana de komiu mongkalibosi ola mian anu mongkalibosi komiu, bau apaa na Tumpu tionyo mombalosi palabuatan miu aijo'? Te misa' topo tagi hasin suele mombau sumo aitu?

MATIUS 9:11

Daagi' ko to mia-mian Farisi anu nontoa han aijo'. Ka' aha nompokilawamo hi anu saja' mombatuki Yesus, “Apaa na sababnyo gulu'um mongkaan hingga-hinggat tiba topo tagi hasin, ka' to mia-mian anu madi' ma'ima'?”

MARKUS 2:16

To pia-piangkuka na gulu' agama gampa nu aha mian nu Farisi nontoa i Yesus mongkaan hingga-hinggat tiba anu saja' montage hasin ka' to mia-mian anu osangka madi' ma'ima' aijo'. Jadi aha nompokilawa hi anu saja' mombatuki Yesus, “Kadaka' gulu'um mongkaan hingga-hinggat tiba anu saja' montage hasin ka' to mia-mian anu madi' ma'ima' aijo'?”

MARKUS 7:3

To mia-mian nu Farisi, sumo aitu mule' iwi-iwi' na mian nu Yahudi, mohongo-hongo hondo mombatuki to ada-adat nu mompolee' nu aha. Aha madi' mongkaan de ma'isa pe'e obaso'i na lima mombatuki apaa na anu tinantukanmo.

MARKUS 9:16

“Apaa na obisalakon nu belemiu to gulu-gulu' agama aijo'?” pinokilawa i Yesus hi anu saja' mombatuki Ia.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

LUKAS 19:7

Iwi-iwi' na mian anu nontoa aijo' nontampu'unimo nongo-nguyung. Aha notatae, “Se'! Ia mamba sonso' i laigan nu mian anu madi' ma'ima'!”

LUKAS 5:17

Daagi' ko sansinaan tempo'nyo i Yesus hau-haunyo mongajan, daagi' ko to pia-piangkuka na mian nu Farisi tiba to gulu-gulu' agama sinumuhang i kiijo'. Aha tinoka lengkat mae i Yerusalem tiba lengkat mae i to kota-kota Galilea ka' i Yudea. Kuasa nu Tumpu daagi' hi Yesus, da nompa'alin to mia-mian masakit.

LUKAS 5:21

To gulu-gulu' agama ka' aha to mia-mian Farisi notataemo samian ka' samian, “Ihe na mian aiya ka' baani mompopo ise' Tumpu? Ihe na timbali mongampuni dosa', de misa' Tumpu Allah ahi'?”

LUKAS 7:34

Anak nu Mian toka – Ia mongkaan ka' monginum – lantas komiu motatae, ‘Toa na mian aijo'! Mabebes, saja' ma langu, sangalu nu topo tage hasin, ka' sangalu nu mian baladosa'.’

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

SISIKON NU TO RASUL-RASUL 23:9

Jadi talalomo hondo na pinainggaga. To pia-piangkuka na mian nu Farisi anu tinimbalimo gulu' agama tinuminjomo ka' nonggagakon totu-totu'u. Aha notatae, “De mongala i pongka'oho' mami, mian aiya sangkiding pe'e madi' ko sala'nyo! Ugaat totu'u daagi' ko roh kabai malaikat anu notatae hi ia!”