LUKAS 5:26 - KITAB NU TUMPU ALLA LELE MA'IMAI'

²⁶ Aha iwi-iwi' binangang hondo, lantas nompuji' Tumpu. Kalana nongoa'i nabuhukmo, aha notatae, “Mompobangang hondo na anu sinakisiantomo sinaa aiya!”

LUKAS 5:26 Iomraidhean Croise

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

MATIUS 12:23

Iwi-iwi' na mian binangangmo ka' notatae, “Ugaat aijo'mo Ia na Anak i Daud anu jinanji'mo aijo'?”

MATIUS 28:8

To bou-boune aijo' malia-lia' nompala'i kubulan aijo'. Kalana mongoa'i buhuk tiba lame' nogogalo'anmo, aha nopadeka' ka' nompoto'iakon han aijo' hi aha anu saja' mombatuki Yesus.

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

MARKUS 2:12

Ia tinuminjo ka' nalia-lia' nongala ampasnyo, lantas nosabat sinakisian nu aha iwi-iwi'. To mia-mian haha aijo' binangang ka' nompuji' Tumpu. Koonyo nu aha, “Ma'isa toho' kita nontoa anu jinadi sumo aiya!”

LUKAS 1:65

Sampo dewe iwi-iwi' nabuhukmo, lele aijo' tinolelemo i tano' nu bungkutnyo nu Yudea.

LUKAS 5:8

Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

LUKAS 8:37

Lantas songko-songko na anu jojoong i da'erah Gerasa aijo' nompoita sabole-bole da i Yesus mompala'i tampat aijo', kalana aha iwi-iwi' nabuhukmo hondo. Jadi, i Yesus sinumake'mo i duangan kahanda'mo minsusule'.

SISIKON NU TO RASUL-RASUL 4:21

To mia-mian anu Mongulus Palakala aijo' madi' noko humpak sa'angu' pe'e na alasan da mohukum i Petrus ka' i Yohanes. Jadi aha nompopobuhukmo ua-ua'aha na rasul aijo', lantas pinolapasmo ua-ua'aha kalana iwi-iwi' na mian mompuji-puji' Tumpu kalana apaa na anu tinimbalimo aijo'.

GALATIA 1:24

Sahingga aha nompuji'mo Tumpu kalana aku.