LUKAS 5:24 - KITAB NU TUMPU ALLA LELE MA'IMAI'

²⁴ Panyo aiya Aku momponyata' hi belemiu saba', i bawo nu dunia aiya Anak nu Mian ko kuasa mongampuni dosa'.” Lantas i Yesus notatae hi mian anu lupe aijo', “Bulamo, hangkat na kahoyotanum ka' pinsusule'mo!”

LUKAS 5:24 Iomraidhean Croise

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

MATIUS 16:13

I Yesus namba nokiijo' i da'erah ohani kota Kaisarea-Filipi. I kiijo' Ia nompokilawa hi anu saja' mombatuki Ia, “Koonyo nu mian. Ihe na Anak nu Mian aijo'?”

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 9:6

Panyo uuka Aku mompobukuti'je hi beleyum saba' i bawo nu dunia aiya Anak nu Mian ko kuasa mongampuni dosa'.” Lantas i Yesus notatae hi mian lupe aijo', “Bula, hangkat na ampasum ka' pinsusule'mo!”

LUKAS 5:13

I Yesus nompanya mian aijo' ka' notatae, “Aku mongka'oho', pa'alinmo!” Tempo'nyo aijo' panyakitnyo i na'alinmo.

LUKAS 5:18

Tempo'nyo aijo' daagi' ko to pia-piangkuka na mian tinoka nomboa mae samian anu lupe anu pinomale' mae i ampas. Aha binala usaha nomboa mian aijo' i uno nu laigan da timbali opomale' hi ahop i Yesus.

LUKAS 5:23

Iya na lebe dengke, montaloakon, ‘Dosa'um ingampunanmo’, kabai montaloakon, ‘Bulamo ka' lajangmo!’

LUKAS 7:14

Lapas aijo' i Yesus nongohani pinolembanan anu sinilaka aijo', ka' tiniiknyo. Sahingga anu nolemban tinolotinjo. I Yesus notatae, “O olitau, Ku pokau na beleyum pobula!”

LUKAS 8:54

Lapas aitu, tinoongan i Yesus nalima nu anak aijo' ka' notatae, “Bulamo, Anak!”

YOHANES 11:43

Noko taloakon aijo', i Yesus notataemo daka-daka', “Lazarus, posabat!”

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 5:27

Ia nombee'mo hi Anak-Nyo hak momputusi hukuman, kalana Ia Anak nu Mian.

SISIKON NU TO RASUL-RASUL 14:10

ka' i Paulus notatae daka-daka', “Tinjomo hodi-hodi!” Mian aijo' nalalumpat tinuminjo lantas i lumajang.

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

SISIKON NU TO RASUL-RASUL 9:34

I Petrus notatae hi Eneas, “Eneas, i Yesus Kristus mompa'alinmo beleyum. Bulamo ka' poko piani na kamale'anum.” I Tempo'mo aitu na i Eneas nobula.

SISIKON NU TO RASUL-RASUL 9:40

I Petrus nonsai aha iwi-iwi' mosabat, lantas ia dinumaladupu ka' binalado'a. Lapas aijo' ia nongahopi bangke' i Dorkas ka' notatae, “Tabita, pobulamo!” Sahingga i Dorkas nonjilakon matanyo, ka' salatan ia nontoa i Petrus, ia sinumuhangmo.

ANU PINOTO'I HI YOHANES 1:13

I totonga' nu tengke nu sulu' haha aijo', tinuminjo na samian o toa sumo mian. Ia nompusok juba' anu komantannyo toka i tengke. I saha'annyo, Ia nompake kukup nu saha'an mosoni' na binau.