LUKAS 5:22 - KITAB NU TUMPU ALLA LELE MA'IMAI'

²² Nusumbu' i Yesus apaa na anu pinokilawa nu aha. Jadi Ia notatae, “Ka' kadaka' komiu mompokilawa sumo aitu i uno nu kinyonyoa miu?

LUKAS 5:22 Iomraidhean Croise

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

AMSAL 15:26

Tumpu mongka'ideki tanga'an anu ma'idek; panyo potatae anu ma'ima' momposanang kinyonyoa-Nyo.

YESAYA 66:18

Ku sumbu' na pikilan tiba palabuatan nu aha. Aku toka mae momposihuk to mia-mian anu lengkat mae isongko-songko na bansa. De aha sihukmo aha montoamo kuasang-Ku.

YEHEZKIEL 38:10

Tumpu Anu Matangkas na Kuasanyo notataemo hi Gog, “Toka itempo'nyo aijo' beleyum batanga'mo mombau palabuatan anu ma'idek.

MATIUS 12:15

Nu sumbu' i Yesus saba', to mia-mian Farisi aijo' ko gau' ma'idek hi butong-Nyo. Jadi Ia namba nompala'i tampat aijo', ka' mian da'isan nombatukimo Ia. Lantas Ia nompa'alin iwi-iwi' na mian anu masakit.

MATIUS 12:25

I Yesus monsumbu' pikilan nu to mia-mian Farisi aijo'. Jadi Ia notatae hi aha, “De sa'angu' na negara mobagi-bagi, ka' bagi-bagian aijo' mompaha idek, negara aijo' madi' pin na tuminjo. Ka' sa'angu' na kota kabai moto utus mobagi-bagi ka' mompaha ka'ika'ideki samian ka' sangga'at, saba' timbali hansun.

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

MARKUS 8:17

Nusumbu' i Yesus apaa na anu nu bisalakon nu aha. Sabab aijo' Ia nompokilawa hi aha, “Kadaka' komiu nombisalakon madi' ko roti? Apaa komiu madi' monsumbu' ka' madi' mule' mangalati'? Te madi'mo ko pikilan na komiu?

LUKAS 24:38

Panyo i Yesus notatae, “Kadaka' komiu mabuhuk? Kadaka' bata-bata i uno nu kinyonyoaum?

LUKAS 5:21

To gulu-gulu' agama ka' aha to mia-mian Farisi notataemo samian ka' samian, “Ihe na mian aiya ka' baani mompopo ise' Tumpu? Ihe na timbali mongampuni dosa', de misa' Tumpu Allah ahi'?”

LUKAS 5:23

Iya na lebe dengke, montaloakon, ‘Dosa'um ingampunanmo’, kabai montaloakon, ‘Bulamo ka' lajangmo!’

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.