LUKAS 5:14 - KITAB NU TUMPU ALLA LELE MA'IMAI'

¹⁴ Lantas i Yesus nontewa' mian aijo' boli monsisik han aijo' mau mule' pa' hi he, tukoo-Nyo, “Lako'mo hi imam ka' poita na ia da mompototu'u beleyum na'alinmo. Ka' lako' sombahkon na koloban sumo anu pinalentahkonmo i Musa, salaku bukuti' saba' beleyum totu-totu'u na'alinmo.”

LUKAS 5:14 Iomraidhean Croise

IMAMAT 13:2

De daagi' ko mian anu kinumalubabangmo kabai kinumahutonmo kabai ninana'mo mopute' i kilitnyo anu timbalimo panyakit kilit anu monsilakai, ia tionyo ahi' oboa hi imam lee' i Harun.

IMAMAT 13:49

ka' buhitnyo nu anu nahu'mo aijo' moho-moho'mo nobilu' kabai nohahamo, jadi anu nahu'mo aijo' sumomo anu molele, jadi tionyo ahi' opotoa hi imam.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 12:16

Panyo Ia nontewa' aha monsisik Ia hi mian sangga'at.

MATIUS 8:4

Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

MATIUS 9:30

Sahingga aha timbali nontoa. Pinoto'i Yesus hi aha totu-totu'u, da boli mompoto'i han aijo' mau pe'e pa' hi he.

MARKUS 1:44

“Jaga, boli o sisik mau mule' hi he, panyo lako'mo hi imam, ka' poita na ia da mompototu'u saba' beleyum na'alinmo. Lantas bau pina'alinanum aijo', palasombahkon na koloban sumo anu pinalentahkon i Musa, salaku bukuti' hi aha to mia-mian, kalana beleyum totu-totu'u na'alinmo.”

MARKUS 6:11

Panyo de komiu toka i sa'angu' na tampat, ka' to mia-mian i kiijo' madi' mongka'oho' montalima ka' mohongo komiu, pala'imo na tampat aijo'. Ka' osapui na abu' i tengkeum salaku sa'angu' na tanda hi aha!”

LUKAS 17:14

Tempo'nyo i Yesus nontoa aha, Ia notatae, “Lako'mo hi to ima-imam, poita da aha mompalesa butongum.” Hau-haunyo aha laja-lajang, na'alinmo na panyakitnyo.

LUKAS 5:13

I Yesus nompanya mian aijo' ka' notatae, “Aku mongka'oho', pa'alinmo!” Tempo'nyo aijo' panyakitnyo i na'alinmo.

LUKAS 9:5

Ka' iyamae na komiu madi' otalima, de komiu mompala'imo kota aijo', sapuakon na abu' i pala nu tengkeum, salaku sa'angu' na tanda hi aha.”