LUKAS 4:41 - KITAB NU TUMPU ALLA LELE MA'IMAI'

⁴¹ To roh-roh ma'idek nosabat hi mian da'isan ka' naha loboo'an, “Memang Beleyum Anak nu Tumpu!” Panyo i Yesus nonsegai aha, madi' mompoloas aha motatae, kalana nusumbu' nu aha Iamo na Tomundo anu Momposalamat.

LUKAS 4:41 Iomraidhean Croise

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MATIUS 4:3

Ibilis tinoka ka' notatae, “Te Beleyum misa' Anak nu Tumpu Allah? Yo pokau na batu haha aiya timbali roti.”

MATIUS 8:16

Tempo'nyo mamalom, mian nomboa hi Yesus da'isan na mian anu sinoku'onmo nu roh ma'idek. Ka' ola santaa' na potatae, i Yesus nolaa' to roh-roh ma'idek aijo' ka' nompa'alin mule' iwi-iwi' na mian anu masakit.

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

MATIUS 8:4

Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

MARKUS 1:25

“Hokot!” sinegaan i Yesus na roh aijo', “Posabatmo lengkat hi mian aiya!”

MARKUS 1:32

Mamalom salatan sinaa makakinsapmo, to mia-mian nomboa hi Yesus iwi-iwi' na mian anu masakit, ka' anu sinoku'onmo nu roh ma'idek.

MARKUS 1:34

Lantas i Yesus nompa'alinakon da'isan na mian anu mongoa'i sansala nu ngangahan na panyakit, ka' nolaa' mule' manjoo' na roh ma'idek. Ia madi' nompobee' to roh-roh ma'idek aijo' motatae, kalana aha monsumbu' ihe na Ia.

MARKUS 3:11

Ka' to mia-mian anu sinoku'on nu roh ma'idek, salatan nontoa ia, lau-lausmo tinolodadupu i ahopnyo ka' noloboo', “Beleyumo na Anak nu Tumpu!”

LUKAS 4:39

I Yesus namba i kahoyotan nu totina aijo', lantas nolaa'mo anu nonsihabi aijo'. Anu nonsihabi aijo' i na'alinmo, tina nu bengkele' i Simon balo nobula ka' nongatuni apa-apaa na anu palalu hi aha.

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!