LUKAS 4:36 - KITAB NU TUMPU ALLA LELE MA'IMAI'

³⁶ Iwi-iwi' na mian binangang, ka' notatae samian ka' samian, “Palias hondo na potatae-Nyo. Ko angga'nyo ka' ko kuasa-Nyo na Ia nompalentah to roh-roh ma'idek mosabat, ka' aha mule' nosabatmo!”

LUKAS 4:36 Iomraidhean Croise

MATIUS 9:33

I Yesus nolaa' roh ma'idek aijo', ka' tempo' aitu mule' mian aijo' binangangmo ka' notatae, “Ma'isa toho' kami nontoa anu tinimbali sumo aiya i Israel!”

MARKUS 1:27

Iwi-iwi' na mian binangang hondo, ka' sinailapas aha notatae samian ka' sangga'at, “Ibeh apaa na aiya? Sa'angu' na pokinde' anu sala'je! Tiba palentah ka' kuasanyo, Ia mompalentah to roh-roh ma'idek nosabat, ka' aha nohongo Ia!”

MARKUS 7:37

Ka' iwi-iwi' na mian anu nohongo aijo' binangang hondo. Aha notatae, “Iwi-iwi' binaunyo ima-ima'! Ka' mule' ia nombau mian ma bongon mohongo, ka' mian momo' timbali motatae!”

LUKAS 2:18

Ka' binangang na mian da'isan no hongo sisik nu to pola-polaya' domba aijo'.

LUKAS 4:32

Aha binangang nontoa Ia mongajan, kalana Ia motatae ko angga'nyo.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.