LUKAS 4:34 - KITAB NU TUMPU ALLA LELE MA'IMAI'

³⁴ “O Yesus, mian nu Nazaret, apaa na anu ka'oho' obaunto hi kami? Beleyum toka monsilakai kami? Kusumbu' ihe na beleyum; beleyum posaihon nu mian susi' lengkat mae hi Tumpu!”

LUKAS 4:34 Iomraidhean Croise

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

1 TOMU-TOMUNDO' 17:18

Lantas balu aijo' notataemo hi Elia, “O posaihon nu Tumpu Allah, kadaka' belento Tuumangku nombaumo anu sumo aiya hi belengku? Ku gantang kahanda' nu belento Tuuma toka mae hi belengku da nusumbu' nu Tumpu Allah na dosa'ku, sahingga anaku sinilakamo?”

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

MARKUS 1:24

“O Yesus, mian nu Nazaret, Beleyum mongka'oho' mombau apaa hi kami? Beleyum toka da monsilakai kami? Kusumbu' ihe na Beleyum: Beleyumo na posaihon anu Susi' lengkat mae hi Tumpu Allah!”

MARKUS 1:34

Lantas i Yesus nompa'alinakon da'isan na mian anu mongoa'i sansala nu ngangahan na panyakit, ka' nolaa' mule' manjoo' na roh ma'idek. Ia madi' nompobee' to roh-roh ma'idek aijo' motatae, kalana aha monsumbu' ihe na Ia.

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 4:33

I kiijo' i laigan pogalejaan daagi' ko samian anu kinuasanmo nu roh ma'idek. Mian aijo' ko kihi-kihis,

LUKAS 4:41

To roh-roh ma'idek nosabat hi mian da'isan ka' naha loboo'an, “Memang Beleyum Anak nu Tumpu!” Panyo i Yesus nonsegai aha, madi' mompoloas aha motatae, kalana nusumbu' nu aha Iamo na Tomundo anu Momposalamat.

LUKAS 8:28

Salatan nontoa i Yesus, ia noloboo'mo, lantas tinolodadupumo i ahop i Yesus, ka' notatae daka-daka', “Yesus Anak nu Tumpu Anu Matangkas na Kuasanyo! Nu posiamo na aku aiya? Ku poita boli monsakisa aku!”

LUKAS 8:37

Lantas songko-songko na anu jojoong i da'erah Gerasa aijo' nompoita sabole-bole da i Yesus mompala'i tampat aijo', kalana aha iwi-iwi' nabuhukmo hondo. Jadi, i Yesus sinumake'mo i duangan kahanda'mo minsusule'.

SISIKON NU TO RASUL-RASUL 16:39

Lantas aha namba nompoita ampun hi Paulus ka' hi Silas, lapas aijo' aha nomboa ua-ua'aha aijo' nosabat lengkat i talungku' ka' nompoita da aha mamba mompala'i kota aijo'.

SISIKON NU TO RASUL-RASUL 2:27

Kalana Beleyum madi' mompojohok butongku jojoong i uno nu dunia mian mate. Beleyum madi' mompojohok posaihon-Um anu mohongo-hongo aijo' magalis ka' mingkot.

SISIKON NU TO RASUL-RASUL 3:14

Ia Susi' ka' ma'ima', panyo komiu mombahakon Ia ka' mompakisa da i Pilatus molapasakon samian na topo patei hi komiu.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

IBRANI 2:14

Kalana to mia-mian anu sinanggo-Nyo anak aijo', atina'mo mian anu timbali silaka, jadi i Yesus tinimbalimo pokakana sumo aha ka' tinumuu'mo pokakana sumo mian. Ia nombau sumo aijo', da kalana Ia sinilaka sumo aijo' Ia timbali mohopu'i Ibilis anu mongkuasai kapatean.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

ANU PINOTO'I HI YOHANES 20:2

Lantas ia nohakop ulo anu daka' hondo aijo', ulo aijo' pininmo hondo – aijo'mo Ibilis kabai Roh anu Ma'idek aijo' – ka' nompungumo ia samadala na taun na kopinnyo.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.