LUKAS 4:29 - KITAB NU TUMPU ALLA LELE MA'IMAI'

²⁹ Aha tinuminjo ka' nolaa' i Yesus mosabat i kota, ka' binoa nu aha i tungebe nu bungkutnyo koko kota nu aha binau. Aha ko niat monsuulakon Ia da manabu' i tungebe.

LUKAS 4:29 Iomraidhean Croise

2 TAWARIKH 25:12

Daagi' sangga'at aha 10.000 na mian i hakopmo ka' binoa. Aha binoamo aita' i bawo nu bungkutnyo nu batu i kota' Sela lantas pinaha tumbalakonmo nokaijong sahingga sinilakamo.

MAZMUR 37:14

Mian anu ma'idek na kinyonyoanyo mongkeatmo bajaknyo ka' mompeletakonmo pana'nyo da opateimo na mian anu kasiasi ka' anu kantumuu'annyo sansala, da okolotmo na mian anu kantumuu'annyo ma'ima.

NOMBILANGMO 15:35

Tumpu notataemo hi Musa, “Mian aijo' tionyo ahi' o hukum mate. Ia tionyo ahi' oboamo i sambiha'nyo nu kemah, ka' toka ikijo' mae iwi-iwi' na mian tionyo ahi' mompahambunu'akonmo ia nu batu, sampe silaka.”

LUKAS 4:28

Iwi-iwi' na mian i laigan pogalejaan aijo' pinusa hondo salatan nohongo han aijo'.

YOHANES 8:37

Memang Kusumbu' komiu aiya lee' i Abraham. Panyo komiu kahanda' mompatei Aku, kalana komiu madi' montalima pokinde'-Ku.

YOHANES 8:40

Aku mompotokakon hi komiu kahondoan anu ihongong-Kumo lengkat mae hi Tumpu, panyo komiu kahanda'mo mompatei Aku. I Abraham madi' nombau sumo aijo'!

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

IBRANI 13:12

Mokonyo aijo' i Yesus suele sinilaka i sambiha'nyo nu tumban daka' nu kota da baso'-Nyo bau pombaso'i dosa' nu mian-Nyo anu palesayamo, hi Ia.