LUKAS 4:23 - KITAB NU TUMPU ALLA LELE MA'IMAI'

²³ Lantas i Yesus notatae hi aha, “Tantu komiu mompake kantuang aiya hi beleng-Ku, ‘Dokoten posi opa'alin na butong-Um. Anu okabangangi i hongomo mami binauum i Kapernaum, soba baumo i posi kampung-Um.’ ”

LUKAS 4:23 Iomraidhean Croise

MATIUS 13:54

lantas ninsusule'mo i kampung-Nyo. I kiijo' mae Ia namba nongajan i laigan pogalejaan, ka' to mia-mian anu nohongo Ia i kiijo' binangangmo hondo. Aha notatae, “Lengkat iyamae na mian aiya nohumpak kapandean sumo aijo'? Ka' lengkat mae iya na Ia nohumpak kuasa mombau anu okabangangi?

MATIUS 4:13

Ia nompala'imo Nazaret, lantas jinojoongmo i Kapernaum i biwi nu Dowiwi Galilea i tano' nu Zebulon tiba Naftali.

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MARKUS 6:1

Lengkat i tampat aijo', i Yesus ninsusule' nohingga-hinggat tiba anu saja' mombatuki Ia, mokiijo' i posi kampungnyo.

LUKAS 2:39

Salatan i Yusuf ka' i Maria nombaumo anu nu tuntut nu Atulan nu Tumpu, ninsusule'mo na aha nokiijo' i Nazaret Galilea.

LUKAS 2:51

Lapas aijo' i Yesus nambamo hingga-hinggat ka' aha ninsusule' nokiijo' i Nazaret, ka' nohongo-hongomo aha. Iwi-iwi' aijo' pino'una' nu tina-Nyo i uno nu kinyonyoanyo.

LUKAS 4:16

I Yesus namba mule' i Nazaret, tampat pinompodaka'an Ia. I sinaa nu Sabat, sumo kabiasa'an-Nyo Ia namba i laigan pogalejaan. Ia tinuminjo nombasa' Kitab nu Tumpu,

LUKAS 4:31

Lapas aijo', i Yesus nambamo i kota Kapernaum i Galilea. I kiijo' mae ia nongajan to mia-mian i sinaa nu Sabat.

LUKAS 4:35

“Hokot!” sinegaan i Yesus na roh ma'idek aijo'. “Posabatmo lengkat hi mian aiya!” Lantas roh ma'idek aijo' nonsapahakon mian aijo' i ahop nu aha iwi-iwi', lapas aitu nosabatmo lengkat hi mian aijo', madi'mo nompasakiti.

LUKAS 6:42

Mosia na komiu montaloakon hi utusum, ‘Imbo', utus da ku alinakon na kau' sangkunyit atina' i uno nu mataum,’ yo aitu i uno nu posi mataum daagi' ko balak anu madi' otoa miu? O anu baleko'! Alinakon pe'e na balak anu daagi' i posi mataum. Atina'je ka' komiu moko toa mana-manasa, ka' timbali mongalinakon sangkunyit na kau' i mata nu utusum.”

YOHANES 4:28

Saba' pinala'ian nu boune aijo' na gumbangnyo i kiijo', lantas nopadeka' namba i kota ka' notatae hi to mia-mian anu i kiijo' mae,

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.