LUKAS 4:22 - KITAB NU TUMPU ALLA LELE MA'IMAI'

²² Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

LUKAS 4:22 Iomraidhean Croise

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

MAZMUR 45:4

Potakos na bajak nu beleyum ilampeokan o tomundo' anu baani hondo, belento talalo ahi' talasanggo ka' ma'ima' na otoa!

AMSAL 10:32

Potatae nu mian anu madi' tageo' na kinyonyoanyo momposanang kinyonyoa; panyo potatae nu mian anu ma'idek na kinyonyoanyo saja' momposakit kinyonyoa.

AMSAL 16:21

Mian anu pande osumbu' ipikilanyo anu matajom; potataenyo na monsabapi sanang na mohongo.

AMSAL 25:11

Pikilan anu olubatakon ka' madi' sala' ka' kakonannyomo ahi' sumomo sambatu na mosoni' anu i uno nu lean salaka.

ANU MOMPOLELE POTATAE NU TUMPU 10:12

Potatae nu mian anu pande mombau ia oholomati, panyo mian anu ponga' silaka kalana nu saduakon nu potataenyo.

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

YESAYA 50:4

Tumpu Anu Matangkas na Kuasanyo nompogulu'mo aku notatae, da potataengku mompohoson mian anu ilusekmo. De subu-subumo Nu po ingatmo mae na anu nu ka'ima'i nu kinyonyoangku, da mohongomo pangajalan-Nyo anu obee' hi belengku.

LUKAS 2:47

Iwi-iwi' na anu nohongo Ia binangang kalana pontaami-Nyo minsoop i akan.

LUKAS 2:48

Tu'anyo-Nyo mule' suele bangangmo na montoa Ia. Tina-Nyo notatae hi Ia, “Anak, kadaka' nu bau na kami sumo aiya? Tuuma-Um ka' tina-Um binata-batamo na nolio Beleyum!”

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

LUKAS 4:21

Ka' i Yesus nontampu'uni notatae hi aha sumo uuka, “Aya-ayat Kitab nu Tumpu aiya, sinaa aiya ginanapanmo salatan komiu nohongomo.”

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 6:42

Aha notatae, “Te misa' aiya i Yesus, anak i Yusuf? Osumbu' mami na tina ka' tuuma-Nyo! Te mosia ka' Ia timbali motatae tukoonyo, Ia nintatau' mae lengkat i suluga'?”

YOHANES 7:46

Anu monja-monjagai aijo' nontaami, “Bee', ma'isa toho' ko mian anu notatae sumo Ia!”

SISIKON NU TO RASUL-RASUL 6:10

Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.