LUKAS 4:2 - KITAB NU TUMPU ALLA LELE MA'IMAI'

² I kiijo' Ia sinobaanmo nu Ibilis patompulu' na sinaa na kinopinnyo. Tempo'nyo aitu, madi' toho' ko anu kinaan-Nyo. Ahennyo Ia nongoa'imo no'ohop.

LUKAS 4:2 Iomraidhean Croise

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

1 TOMU-TOMUNDO' 19:8

I Elia nobulamo ka' nongkanmo ka' nonginummo. Sahingga ia nahosonmo ka' noko alamo lumajang pinatompulu' na sinaa na kinopinnyo namba i Bungkutnyo nu Sinai, tampat pinanintoan nu Tumpu Allah.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

NOSABATMO 24:18

Lantas i Musa balomo nindako sampe ia ninsoopmo i uno nu kundom aijo'. Pinatompulu' na sinaa ka' pinatompulu' na pihi, na i Musa jinojoongmo i kiita' mae.

NOSABATMO 34:28

Patompulu' na sinaa ka' patompulu' na pihi na i Musa jinojoongmo ikiijo' tiba Tumpu, ka' tempo'nyo aijo' ia madi'mo nongkaan ka' madi'mo nonginum. Onyi' nu potatae nu palajanjian aijo', aijo'mo Sampulu' na Palentah nu Tumpu Allah anu tinulisnyomo i kobakan nu batu.

YUNUS 3:7

Ia mule' nombebakonmo palentah sumo uuka'; “Palentah aiya lengkat mae i Ninewe, atas kaputusan nu tomundo' tiba to manti-mantili. Ia notatae, iwi-iwi' na mian ka'mule' sapi', domba ka' potuu'on sangga'at otewa' pe'e na mompo'otot ka' mompo'inum.

MATIUS 21:18

Dodododopnyo daagi' subu-subu aha nambamo mokiijo'mo minsusule' i kota, i Yesus no'ohopmo.

MATIUS 4:2

Patom pulu' na sinaa ka' patom pulu' na pihi i Yesus madi' nongkaan. Lantas Ia nongoa'imo no ohop.

LUKAS 4:3

Ibilis notatae hi Ia, “Te misa' Beleyum anak nu Tumpu Allah? Jadi pokau na batu aiya da timbali roti.”

YOHANES 4:6

I kiijo' daagi' ko bubung i Yakub. I Yesus nalawemo hondo kalana i lumajang, kalana aitu Ia sinumuhang i sohipi' nu bubung. Tempo'nyo aijo' kila-kila jam sampulu'mo ka' ohua' sonsu'unmo na sinaa.

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.

PO'ULE' INGULIT 9:25

Ku sumbu' na Tumpu kahanda'mo mompagala monsilakai belemiu. Sahingga kopinnyo pinatompulu' na sinaa ka' pinatompulu' na pihi, na aku dinumaladupu i ahop nu Tumpu

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.

IBRANI 2:18

Ka' kalana Ia toho'mo nongoa'i kasansala'an ka' sinobaan, sahingga Ia noko alamo nontulungi to mia-mian anu kinonamo nu soba'an, kalana Ia toho'mo sinobaan ka' nongoa'imo kasansala'an.

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

1 SAMUEL 17:16

Pinatompulu' na sinaa, salatan daagi subu ka' ohanimo malom i Goliat mongohanimo mae suludadu nu aha mian Israel kahanda'mo mongewa aha.