LUKAS 3:8 - KITAB NU TUMPU ALLA LELE MA'IMAI'

⁸ Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

LUKAS 3:8 Iomraidhean Croise

NEHEMIA 5:11

Belemiu tionyo ahi' suele bolimo mompoita samaya' nu belemiu haha aijo' hi mian da'isan anu binasamay'mo hi belemiu aijo' mau doi kabai gandum, kabai anggur kabai lanya' nu zaitun. Sampa sule'akon na ale' nu sosu'anan sangga'at, ale' nu anggur, ale' nu zaitun ka' laigan nu aha!”

YEHEZKIEL 33:24

“O manusia anu madi' tumuu' batu, aha to mia-mian anu jojoong i kota-kota' i tano' nu Israel anu singkapmo ihansun aijo'. Nontaloakonmo, ‘I Abraham na nohumpak tano' aiya' iwi-iwi' padahan ia ola sausa'nyo. Kita aiya na manjoo', jadi tano' aiya kitamo ahi' na tumpunyo.’ ”

MATIUS 21:43

“Jadi, o inau'mo,” koo-Nyo i Yesus, “Iwi-iwi' na hak salaku mian anu palesayamo hi Tumpu, o alamo atina' hi komiu ka' obee' hi sa'angu' na bansa anu montuluti to pale-palentah nu Tumpu. [

MATIUS 3:8

Potoa i uno nu palabuatanum de komiu binala tobatmo i dosa-dosa' miu.

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

LUKAS 13:25

Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’

LUKAS 13:26

Komiu montaami, ‘Kami nongkaanmo ka' nonginumo hingga-hinggat i Tuan, ka' kita Tuan nompogulu'mo kami ahi' i jala-jalan nu kota mami!’

LUKAS 14:9

Sahingga tumpu nu laigan anu nompaso komiu ohua' aijo', boli-boli toka hi komiu ohua' ka' motatae, ‘Tabea', tampat aiya pinotoukamo hi anu pinaso aijo'.’ Desumo aitu ma'ambangmo hondo na beleyum, sahingga tionyo ahi' mamba sumuhang i tampat anu talalo hondo i hikunyo.

LUKAS 19:40

I Yesus nontaami, “Palesayamo! De aha momohokot, batu-batu haha aiya na moloboo'.”

LUKAS 19:9

Lantas koonyo i Yesus, “Sinaa aiya beleyum tiba komiu sampoto utusanum pinosalamatmo nu Tumpu, ka' binee'annyomo kantumuu'an bu'ou, kalana beleyum suele lee' i Abraham.

LUKAS 5:21

To gulu-gulu' agama ka' aha to mia-mian Farisi notataemo samian ka' samian, “Ihe na mian aiya ka' baani mompopo ise' Tumpu? Ihe na timbali mongampuni dosa', de misa' Tumpu Allah ahi'?”

YOHANES 8:33

“Kami aiya lee' i Abraham,” na koonyo nu aha, “Ma'isa toho' kami binotuanan pa' ihe! Apaa na poso'nyo nu potatae-Um, ‘Komiu o pobebasje’?”

YOHANES 8:39

Aha nontaami, “Tuuma mami aijo'mo i Abraham.” “De totu-totu'u komiu anak i Abraham,” na koo-Nyo i Yesus, “tantu komiu mombau apaa na anu binau i Abraham.

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

ROMA 9:7

Madi' iwi-iwi' na lee' i Abraham, osanggohimo to ana-anakmo nu Tumpu “Ola lee' i Ishak na osanggohi lee' nu beleyum”.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.