LUKAS 3:12 - KITAB NU TUMPU ALLA LELE MA'IMAI'

¹² Anu saja' montage hasin tinoka suele hi Yohanes da o palamandikan. Aha nompokilawa, “Tuumangku Gulu', apaa na anu tionyo obau mami?”

LUKAS 3:12 Iomraidhean Croise

MATIUS 5:46

Kalana de komiu mongkalibosi ola mian anu mongkalibosi komiu, bau apaa na Tumpu tionyo mombalosi palabuatan miu aijo'? Te misa' topo tagi hasin suele mombau sumo aitu?

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

LUKAS 3:10

“Jadi, apaa na anu tionyo obau mami?” pinokilawa nu to mia-mian hi Yohanes.

LUKAS 3:13

I Yohanes nontaami, “Boli montage hasin molingkuduimo apaa na anu pinoko tantukanmo.”

LUKAS 7:29

Iwi-iwi' na mian – tiba topo tage hasin – nohongo i Yesus nontaloakon han aijo'; ahamo na to mia-mian anu montulutimo palentah nu Tumpu, ka' mongka'oho'mo opalamandikan i Yohanes.

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”