LUKAS 24:52 - KITAB NU TUMPU ALLA LELE MA'IMAI'

⁵² Aha nonsombah Ia, lapas aijo' ninsusule'mo i Yerusalem, kinyonyoa nu aha ilame'mo hondo.

LUKAS 24:52 Iomraidhean Croise

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

MATIUS 28:17

Salatan aha nontoamo i Yesus kiijo' mae, aha tinolodadupumo nonsombah Ia, panyo daagi' ko anu i kiijo' hi aha bata-bata.

MATIUS 28:9

Monti-montiik i Yesus tinokamo nonsingkaboti to bou-boune haha aijo' ka' notatae, “Tabea'!” Lantas aha tinoka nongohani Ia, lapas aitu nontanggogolimo tengke-Nyo ka' nonsombah Ia.

LUKAS 24:51

Hau-haunyo Ia nombaumo sumo aijo', tinolohangkatmo na Ia nokiita' i suluga', lantas noga'atmo ka' aha.

LUKAS 24:53

Ka' saja'mo nompuji-puji' Tumpu i Laigan nu Tumpu. 114

YOHANES 14:28

Komiu nohongomo Aku notatae, ‘Aku mambamo, panyo Aku po'ule'je minsusule' mae hi komiu’. De komiu mongkalibosi Aku, komiu sanang na Aku mamba hi Tuuma, kalana Tuuma lebe daka' molingkudui Aku.

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

SISIKON NU TO RASUL-RASUL 1:12

Lapas aijo' to rasul-rasul aijo' ninsusule'mo i Yerusalem lengkat mae i Bungkut nu Zaitun. Bungkutnyo aijo' tampatnyo kila-kila sa'angu' na kilometen na kojo'onnyo lengkat mae i Yerusalem.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.