LUKAS 24:36 - KITAB NU TUMPU ALLA LELE MA'IMAI'

³⁶ Hau-haunyo aha daagi' basisik, monti-montiik i Yesus tinjo-tinjomo i totonga' nu aha ka' notatae, “Sinalamatmo na komiu!”

LUKAS 24:36 Iomraidhean Croise

YESAYA 57:18

Tinoang-Kumo na kalakuan nu aha, panyo aha Ku bee'i kahosonan. Ku jagaije ka' ku tulungi na aha ka' mohase' mian anu molibosmo na kinyonyoa.

MATIUS 10:13

De to mia-mian i laigan aijo' montalima komiu, bakas da salan do'a miu tataap hi aha. Panyo de aha madi' montalima komiu, po'ule' o ala na salan do'a miu aijo'.

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

LUKAS 10:5

De komiu minsoop i sa'angu' na laigan, momonanyo otaloakon, ‘Bee'akon bila-bilahi i uno nu laigan aiya.’

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 20:26

Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

SISIKON NU TO RASUL-RASUL 1:3

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

1 KORINTUS 15:5

Pinoto'ingku mule' hi belemiu tukoongku i Kristus anu po'ule'mo pinotumuu' aijo' nompotoa suele butong-Nyo hi Petrus, ka' ilapas mule' hi sampulu' ka' ohua' na rasul.

1 KORINTUS 15:7

Lapas aijo' i Kristus nompotoa mule' suele butong-Nyo hi Yakobus, ka' ilapas aijo' hi iwi-iwi' na rasul.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,