LUKAS 24:32 - KITAB NU TUMPU ALLA LELE MA'IMAI'

³² Panyo ia madi'mo tinoa nu aha. Koonyo nu aha samian ka' samian, “Te misa'o kinyonyoanto ingoa'an sinanangmo hondo salatan ia binasisik tiba kita i tonga' nu jalan, ka' nontutuhakonmo isi nu Kitab nu Tumpu hi kita?”

LUKAS 24:32 Iomraidhean Croise

MAZMUR 104:34

O' amalakon da nyanyianku sanang na ia mohongo, kalana Iamo na nompolame' kinyonyoangku.

MAZMUR 39:3

Aku momohokotmo madi'mo sola' motatae sahingga mosi polugi'mo posi butongku. Ka' kasansala'anku ku oa'i ko boa-boatnyomo;

AMSAL 27:17

Susumo aja' monjatajomi aja'; sumo aitumo na manusia balagulu' hi sangalunyo.

AMSAL 27:9

Susumo minya-minya' anu manohong ka' anu to noho-nohong moposanang kinyonyoa, sumo aitu mule' na kanonongan nu sangalu mompolumu santuu'.

YESAYA 50:4

Tumpu Anu Matangkas na Kuasanyo nompogulu'mo aku notatae, da potataengku mompohoson mian anu ilusekmo. De subu-subumo Nu po ingatmo mae na anu nu ka'ima'i nu kinyonyoangku, da mohongomo pangajalan-Nyo anu obee' hi belengku.

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 23:29

Potataeng-Ku sumo apu, ka' mule' sumo pombaan anu mohansuni batu!

MARKUS 4:34

I Yesus saja' mompake kantuang de Ia mongajan mian haha aijo'. Panyo de ola posi Ia tiba anu saja' mombatuki Ia, nupotalang iwi-iwi' hi aha.

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.