LUKAS 24:30 - KITAB NU TUMPU ALLA LELE MA'IMAI'

³⁰ Tempo'nyo suha-suhang mongkaan tiba aha, i Yesus nongala roti, nontalima kaseh hi Tumpu, nompuge-puge roti aijo' nu limanyo, lantas nombee' hi aha.

LUKAS 24:30 Iomraidhean Croise

MATIUS 14:19

Lapas aitu Ia nonsai mian da'isan aijo' da sumuhang i hemput. Lantas Ia nongala olima' na roti ka' ohua' na ikan, ka' nonsinda langit ka' nompoita balakat hi Tumpu. Lapas aijo' Ia nompuge-puge roti aijo' nu lima-Nyo ka' nombee' hi anu saja' mombatuki Ia da obagi-bagiakon hi mian da'isan aijo'.

MATIUS 15:36

Lapas aijo' Ia nongala popitu' na roti ka' ikannyo, lantas Ia nompoitamo talima kase hi Tumpu. Lapas aijo', Ia nompuge-pugemo roti ka' ikan aijo' nu lima-Nyo, ka' binee'-Nyo hi anu saja' mombatuki Ia. Ka' binagi-bagiakonnyo hi mian da'isan aijo'.

MATIUS 26:26

Tempo'nyo aha nongkaan, i Yesus nongala roti lantas binalado'a mompoita talima kaseh hi Tumpu. Lapas aijo' nompuge-puge roti nu limanyo, lantas binee'nyo hi anu saja' mombatuki Ia ka' notatae, “Ala ka' kaanmo; aiyamo na butong-Ku.”

MARKUS 14:22

Salatan aha hau-haunyo mongkaan, i Yesus nongala roti ka' nompoita talima kaseh hi Tumpu. Lapas aijo pinuge-puge-Nyomo na roti aijo' nu lima-Nyo, lantas binee'mo hi anu saja' mombatuki Ia ka' i hinggatannyo nu potatae, “Alamo ka' kaanmo, aiyamo na butong-Ku.”

MARKUS 6:41

Lapas aijo' i Yesus nongala olima' na roti ka' ohua' na ikan aijo' ka' tinihanga'nyo na langit ka' nontaeakon talima kaseh hi Tumpu. Ilapas aijo' biniha-biha'-Nyo na roti aijo' nu lima-Nyo ka' nombee' hi anu saja' mombatuki Ia, da obagi-bagiakon hi mian da'isan aijo'. Ka' ohua' na ikan aijo' binagi-baginyo mule' hi aha iwi-iwi'.

MARKUS 8:6

Sahingga i Yesus nonsai mian da'isan aijo' sinumuhang i tano', lantas Ia nongala popi-popitu' na roti aijo' ka' nompoita talima kaseh hi Tumpu. Lapas aijo' Ia nombiha-biha' roti aijo' nu lima-Nyo ka' binee'nyo hi anu saja' mombatuki Ia, da obagi-bagiakon hi to mia-mian. Sahingga anu saja' mombatuki Ia, nombau apaa na anu pinalentahkonnyo.

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

LUKAS 24:29

Panyo aha nontewa' Ia. “Jojoongmo i tampat mami,” koonyo nu aha hi Ia, “aiya malia'mo malom ka' mule' montampu'unimo pintung.” Sahingga i Yesus ninsoopmo sonso'mo male' i tampat nu aha.

LUKAS 24:35

Ua'aha na anu saja' mombatuki Yesus anu sala'je tinoka aijo' balo nonsisik apaa na anu tinoa nu aha i tonga' nu jalan, ka' mosia na aha nonsumbu' Tumpu, tempo'nyo Ia nompuge-pugemo roti.

LUKAS 9:16

Lantas i Yesus nongala olima' na roti ka' uwambatu na ikan aijo', lapas aitu nonsinda langit ka' nontaloakon talima kaseh hi Tumpu. Lapas aitu Ia nompuge-puge roti ka' ikan aijo' nu lima-Nyo, ka' binee'nyo hi anu saja' mombatuki Ia da obagi-bagiakon hi mian da'isan aijo'.

YOHANES 6:11

Lapas aijo' i Yesus nongala roti aijo' lantas nompoita talima kaseh hi Tumpu. Lapas aijo' binagi-bagiakonnyomo na roti aijo' hi mian da'isan. Lapas aijo' mule' Ia nombagi-bagiakonmo ikan aijo', sampe na'osa na aha nongkaan.

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 27:35

Noko potatae sumo aitu, i Paulus nongala roti aijo' lantas nontalima kase hi Tumpu i ahop nu aha iwi-iwi'. Lapas aijo' ia nombagi-bagimo roti aijo', lantas kinaanmo nu aha.