LUKAS 24:25 - KITAB NU TUMPU ALLA LELE MA'IMAI'

²⁵ Lantas i Yesus notatae hi aha, “Komiu memang ponga'! Talalo bata-bata na komiu mompalesaya iwi-iwi' anu tinaloakonmo nu to nabi-nabi!

LUKAS 24:25 Iomraidhean Croise

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

MARKUS 7:18

Sahingga i Yesus notatae hi aha, “Apaa komiu ma'isa mule' mangalati'? Apaa komiu madi' moko ala mangalati' kalana anu minsoop hi toto samian madi' mombau mian aijo' pahengas?

MARKUS 9:19

Sahingga i Yesus notatae hi aha, “Palias na komiu aiya! Komiu totu-totu'u mian anu madi' palesaya. Toka hi pian na Aku tionyo jojoong hingga-hinggat tiba komiu ka' sabaan hi komiu? Boamae na anak aijo'!”

LUKAS 24:24

To pia-piangkuka na mian sangalu mami, lantas namba i pinongkubunan ka' nontokai saba' apaa na anu tinaloakonmo nu boune haha aijo', memang sumo aijo', ola aha madi' nontoa i Yesus.”

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;