LUKAS 23:7 - KITAB NU TUMPU ALLA LELE MA'IMAI'

⁷ Salatan pinoto'i, taalu' i Yesus lengkat mae i da'erah anu nu kuasai Herodes, sinai i Pilatus na aha momboa i Yesus hi Herodes, anu tempo'nyo aitu ia kiijo' suele i Yerusalem.

LUKAS 23:7 Iomraidhean Croise

MATIUS 14:1

Tempo'nyo aitu i Herodes mongkuasai lipu' nu Galilea, nohongo lele i Yesus.

MATIUS 14:3

Kalana toho'mo i Herodes nompokau da i hakop na i Yohanes, ka'pinungu na ia ka' pinosoop i uno nu talungku'. I Herodes nombau sumo aitu, kalana han i Herodias bengkele' nu utusnyo, aijo'mo i Filipus.

MATIUS 14:6

Tempo'nyo i Herodes molame'akon sinaa ka' taun kinahampeannyo, anak boune i Herodias nanari i ahop nu mian da'isan. Ia nanari talalo nomposanang kinyonyoa i Herodes,

MARKUS 6:14

To lele-lele anu mongkona iwi-iwi' na kajadian aijo' tinoka hi Tomundo Herodes, kalana sanggo i Yesus sinumbu'mo iyayamae. Daagi' ko mian anu notatae, “I Yohanes anu Mompalamandikan po'ule'mo tinumuu'! Aijo'mo na sababnyo Ia ko kuasa mombau anu okabangangi aijo'.”

LUKAS 13:31

I sinaa aitu mule', daagi' ko to pia-piangkuka na mian nu Farisi tinoka hi Yesus ka' notatae, “Boli jojoong i aiya! Lako'mo i tampat sangga'at, kalana i Herodes moniatmo mompatei Beleyum.”

LUKAS 23:6

Salatan i hongomo i Pilatus na aijo', ia nompokilawamo, “Pa' Mian aiya mian nu Galilea?”

LUKAS 3:1

I Taun sampulu'mo ka' olima' ko na i Tomundo Tiberius nompalentah, i Pontius Pilatus tinimbalimo gubernur i Yudea, ka' i Herodes nompalentahmo i Galilea. I Filipus, utus i Herodes nompalentahmo i da'erah Iturea tiba Trakhonitis, sadang i Lisanias nompalentahmo i Abilene.

LUKAS 9:7

Tempo'nyo i Herodes anu mompalentah Galilea, nohongomo iwi-iwi' anu tinimbalimo aijo', ia biningongmo. Kalana daagi' ko anu notatae, i Yohanes anu Mompalamandikan po'ule'mo tinumuu'.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.