LUKAS 23:34 - KITAB NU TUMPU ALLA LELE MA'IMAI'

³⁴ Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

LUKAS 23:34 Iomraidhean Croise

KAJADIAN 50:17

ia nompokaumo kami mompoto'i hi beleyum sumo uuka, 'Ampuniakon mae na kasala'an anu naipuan mae binaumo nu to utu-utus tu'a hi beleyum.' Jadi, salaku to posa-posaihon nu Tumpu Allah anu nusombah nu tuumanto, okakase mami, ampuniakon mae na kasala'an anu binaumo mami.” I Yusuf i humangmo salatan i hongonyomo na potuunon aijo'.

MAZMUR 22:18

Iwi-iwi' na bukungku tinimbalimo ku bilang, sampo bali'ku lewa'mo mae nontonto'i aku susumo han anu lewa' opotoakon.

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 11:26

Aijo'mo na anu momposanang kinyonyoa nu Tuuma.”

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

MARKUS 15:24

Lapas aijo' sinalibmo nu aha na Ia, ka' nombagi-bagi baju'-Nyo binauakon undi da montantukan bagi nu toto samian.

LUKAS 22:42

Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [

YOHANES 17:9

Aku mondo'akon aha. Aku madi' mondo'akon dunia, panyo ola to mia-mian anu binee'mo nu kita Tuuma hi beleng-Ku, kalana aha i Tuuma na tumpunyo.

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

SISIKON NU TO RASUL-RASUL 16:28

Panyo i Paulus noloboo' hoso-hoson, “Boli minoo'! Kami iwi-iwi' daagi' i aiya!”

SISIKON NU TO RASUL-RASUL 3:17

To Utu-utus! Uuka sinumbu'kumo saba' apaa na anu binaumo miu ka' to pola-polaya' miu mongkona i Yesus, aijo' binaumo miu kalana komiu madi' monsumbu' apaa na anu hau-haunyo binaumo miu.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

ROMA 12:14

Opoita hi Tumpu da nubalakati na to mia-mian anu buhingison hi komiu. Opaka poita hi Tumpu da mombalakati aha, boli montuda'i balaa'.

1 KORINTUS 2:8

Madi' ko samian pe'e na anu mongkuasai tempo' uuka monsumbu' kapandean aijo'. Kalana de sinumbu'mo nu aha, tantu aha madi' nonsalib Tumpu anu ko angga'annyo aijo'.

1 KORINTUS 4:12

Kami pagala mombau apa-apaa molio kaanon. De kami ototobi'akon obalosi mami nu mondo'akon da obalakati; de kami osakisa, kami sabaan;

1 TIMOTIUS 1:13

mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.