LUKAS 23:2 - KITAB NU TUMPU ALLA LELE MA'IMAI'

² I kiijo' aha nontampu'unimo nontuuk Ia. Koo-Nyo nu aha, “I humpak mami na Mian aiya, mompogulu' sala' hi mian daisan. Ia nonsale'i mian da boli mombayan hasin hi Tomundo, kalana tukoonyo Ia atina'mo i Kristus samian na Tomundo.”

LUKAS 23:2 Iomraidhean Croise

1 TOMU-TOMUNDO' 18:17

Salatan tinoamo i Ahab na i Elia, i Ahab notataemo daka-daka', “Aiyamo na ia anu saja' monsaduakon da saja' painggaga na mian nu Israel!”

MAZMUR 35:11

Sakisi-sakisi anu toto ide-idek na kinyonyoanyo nongewamo mae aku, ka' nontuukmo mae aku koonyo nu aha nombaumo hahan anu madi' kusumbu'.

MAZMUR 62:4

Sampe toka hipian na belemiu iwi-iwi' montumbuhi anu ola samian anu memo susumo pimpi' anu tinagelemo ka' susumo pagan mesen anu malia'mo motua'?

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

AMOS 7:10

I Amazia, imam nu Betel, nompakatumo lapulan aiya hi Yerobeam tomundo nu Israel, “I Amos nosa'angu'mo tiba mian da'isan da mongewamo belento Tomundo. Potataenyo anu monsale'i mian da'isan monsabapimo lipu' aiya da hansun.

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

MATIUS 17:27

Panyo boli kita monsinggung kinyonyoa nu to mia-mian aijo'. Jadi, lako'mo pokiijo'mo i dowiwi da momeka. Ala na ikan momona i humpakum. I uno nu nganga'nyo aijo' beleyum mohumpakje doi anu sukup bau pombayan hasin nu kita ohua'. Ala na doi aijo' ka' bayan hi aha na hasin nu Laigan nu Tumpu.”

MATIUS 22:21

“Tomundo,” tinaaman nu aha. Saba' i Yesus notatae hi aha, “Desumo aitu, bee'mo hi Tomundo apaa na anu i Tomundo, ka' hi Tumpu apaa na anu nu Tumpu Allah.”

MATIUS 27:11

Tempo'nyo i Yesus nangadapmo hi Pilatus, gubernur nu lipu' aijo', i Pilatus nompokilawa, “Pa' Belento Tomundo' nu mian Yahudi?” “Sumo itina'mo potataeum”, tinaaman i Yesus.

MARKUS 12:17

“Yoh, desumo atina',” koonyo i Yesus, “bee'mo hi Tomundo apaa na anu i Tomundo, ka' hi Tumpu apaa na anu nu Tumpu Allah.” Aha binangang na nohongo Ia.

MARKUS 15:2

I Pilatus nompokilawa hi Yesus, “Totu'u Beleyum Tomundo' mian nu Yahudi?” “Sumo itina' potataeum,” tinaaman i Yesus.

LUKAS 23:14

Lantas notatae hi aha, “Komiu nomboa mae Mian aiya hi belengku ka' notatae, tukoo miu Ia mompogulu' sala' hi to mia-mian. Uuka aiya i ahop miu pinalesangkumo na Ia. Panyo aku madi' hondo nohumpak sangahan pe'e na ka'idekan anu tinuukakon miu hi Ia.

LUKAS 23:5

Panyo aha lebemo nontuuk mule', “Pangajalan-Nyo na bau ponsale'inyo mian songko-songko i Yudea; momonanyo i Galilea, ka' tempo' uuka ia tinokamo suele i aiya.”

YOHANES 18:29

Kalana aitu i Pilatus nosabat nokiijo' hi aha ka' nompokilawa, “Apaa na kasala'annyo sahingga komiu mongkalakmo mae mian aiya?”

YOHANES 18:30

Aha nontaami, “De Ia madi' ko sala'nyo, kami madi' nomboa mae Ia hi kita Tuumangku Gubernur.”

YOHANES 19:12

Salatan i Pilatus nohongomo aijo', ia nompai usahakonmo da o polapasmo na i Yesus. Panyo to mia-mian nu Yahudi nolo-noloboo'mo, “De Kita Tuan mompobebas Ia, Kita Tuan misa' sangalu i Kaisar! Mian anu mangaku butongnyo tomundo, ia bali' i Kaisar!”

SISIKON NU TO RASUL-RASUL 24:13

Aha pe'e madi' noko ala nompotoa bukuti' nu anu pinotoka nu aha hi kita Tuan mongkona aku.

SISIKON NU TO RASUL-RASUL 24:5

I humpakmo mami na mian aiya mompokalangkabut anu moko bahaya. Iyaya mae ia mompolubat kahengge'an, aijo' hi aha to mia-mian nu Yahudi ka' ia tinimbalimo polaya' posa'angu'an nu to mia-mian nu Nazaret.

ROMA 13:7

Jadi o bayan hi pamalentah apaa na anu tionyo o bayan nu kita Utus hi ia. O bayan na hasin de kita Utus tionyo mombayan hasin; ka' bea o bayan de kita Utus tionyo mombayan bea. O'angga'i na aha de anu tionyo o'angga'i, ka' o'adati na aha de anu tionyo o'adati.