LUKAS 23:14 - KITAB NU TUMPU ALLA LELE MA'IMAI'

¹⁴ Lantas notatae hi aha, “Komiu nomboa mae Mian aiya hi belengku ka' notatae, tukoo miu Ia mompogulu' sala' hi to mia-mian. Uuka aiya i ahop miu pinalesangkumo na Ia. Panyo aku madi' hondo nohumpak sangahan pe'e na ka'idekan anu tinuukakon miu hi Ia.

LUKAS 23:14 Iomraidhean Croise

DANIEL 6:4

Salatan tinoamo na pakalaja'an i Daniel talu' lebe ma'ima' nu lingkudui na pakalaja'an nu gubernur-gubernur ka' mule' aha sangga'at anu montoa pakalaja'an nu to gubernur-gubernur. Kalana aijo' kahanda'mo nu hangkat i tomundo' na ia da mongkuasai songko-songko na kalaja'an.

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

MATIUS 27:24

Ahennyo i Pilatus tinonginau', saba' ia madi'mo timbali moko ala mombau apa-apaa, ka' to mia-mian haha aijo' ugaat motomuhukmo. Jadi ia nongala uee lantas i ahop nu mian da'isan aijo', ia nombaso'imo limanyo ka' notatae, “Aku madi' mangaku ko sala'nyo i kapatean nu mian aiya! Aijo' ulusan miu!”

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

SISIKON NU TO RASUL-RASUL 13:28

Maumo aha madi' nongkabot apa-apaa hi Ia anu tionyo o hukum nu hukuman mate, panyo pinoita nu aha hi Pilatus da Ia o pateimo.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.