LUKAS 23:13 - KITAB NU TUMPU ALLA LELE MA'IMAI'

¹³ I Pilatus nolimu' kapala nu to ima-imam, to pola-polaya' ka' layat.

LUKAS 23:13 Iomraidhean Croise

MARKUS 15:14

“Panyo apaa na anu ma'idek hi Ia?” pinokilawa i Pilatus. Lantas aha noloboo' lebe mahoson mule', “Salibmo na Ia!”

LUKAS 23:35

Baju' i Yesus binagi-bagimo i kiijo' nu aha binauakon undi. To mia-mian anu tinjo-tinjo i kiijo' mompotoakon, hau-haunyo to pola-polaya' nu Yahudi mompudik i Yesus nu potatae, “Ia nomposalamatmo mian sangga'at; soba' uuka posi posalamatmo na butong-Nyo, de Ia totu-totu'u Tomundo anu Momposalamat anu pinile'anmo nu Tumpu!”

LUKAS 24:20

Kapala nu to ima-imam ka' to pola-polaya' nu bansanto nombee'mo Ia da i hukum mate, ka' aha nonsalibmo Ia!

YOHANES 12:42

Mau mule' sumo aitu, da'isan na mian, tiba sangga'at na anu mongkuasai Yahudi pinalesayamo hi Yesus. Panyo aha aijo' palesaya nu pohowini nu aha, kalana aha mabuhuk boli-boli mian nu Farisi madi' mompobee' aha minsoop i Laigan Pogalejaan.

YOHANES 18:38

I Pilatus nompokilawa hi Ia, “Apaa na poso'nyo nu kahondoan?” Lantas i Pilatus po'ule' nosabat lengkat i laigan aijo' ka' notatae hi to mia-mian nu Yahudi, “Aku madi' nohumpak sa'angu' pe'e na kasala'an hi Ia.

YOHANES 19:4

Lapas aijo' i Pilatus po'ule' mule' nosabat ka' notatae hi mian da'isan aijo', “Toa! Aku nonsabatakonmo i sambiha'-Nyo hi komiu, da osumbu' miu aku madi' nohumpak sa'angu' pe'e na kasala'an hi Ia.”

YOHANES 3:1

Daagi' ko samian anu pande i agama gampanyo nu aha mian Farisi, sanggonyo i Nikodemus.

YOHANES 7:26

Toamo, Ia motatae lamba-lamba i ahop nu mian da'isan, ka' madi' ko anu montaloakon apa-apaa hi Ia! Ugaat anu mongkuasai kita nonsumbu'mo saba' aiyamo na Ia Tomundo anu Momposalamat?

YOHANES 7:48

“Te daagi' ko anu mongkuasai mae kita kabai mian nu Farisi anu pinalesayamo hi Ia?

SISIKON NU TO RASUL-RASUL 13:27

kalana to mia-mian anu jojoong i Yerusalem ka' to pola-polaya' nu aha madi' monsumbu' saba' Iamo na anu momposalamat aijo'. Aha madi' mangalati' i sinaa nu Sabat, sahingga aha nohukum i Yesus. Panyo kalana mombau anu sumo aitu, ahamo na nonsabapi sahingga apaa na anu tinaloakon nu to nabi-nabi aijo' jinadimo.

SISIKON NU TO RASUL-RASUL 3:17

To Utu-utus! Uuka sinumbu'kumo saba' apaa na anu binaumo miu ka' to pola-polaya' miu mongkona i Yesus, aijo' binaumo miu kalana komiu madi' monsumbu' apaa na anu hau-haunyo binaumo miu.

SISIKON NU TO RASUL-RASUL 4:5

Dodododopnyo to tu'a-tu'anyo nu Mian Kopian nu Agama, to pola-polaya' nu Yahudi ka' to gulu-gulu' agama binala gombumo i Yerusalem.

SISIKON NU TO RASUL-RASUL 4:8

I Petrus anu kinuasanmo nu Roh nu Tumpu, nontaami, “To Tutuuma polaya' bansa ka' to Tutuuma mian kopian!