LUKAS 23:11 - KITAB NU TUMPU ALLA LELE MA'IMAI'

¹¹ I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

LUKAS 23:11 Iomraidhean Croise

MAZMUR 22:6

Aha mongkakasemo da otulungi, lantas aha madi'mo sinilaka; aha montaha'imani, lantas aha madi'mo ingise-ise' na kinyonyoa nu aha.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

MATIUS 14:1

Tempo'nyo aitu i Herodes mongkuasai lipu' nu Galilea, nohongo lele i Yesus.

MATIUS 14:3

Kalana toho'mo i Herodes nompokau da i hakop na i Yohanes, ka'pinungu na ia ka' pinosoop i uno nu talungku'. I Herodes nombau sumo aitu, kalana han i Herodias bengkele' nu utusnyo, aijo'mo i Filipus.

MATIUS 14:6

Tempo'nyo i Herodes molame'akon sinaa ka' taun kinahampeannyo, anak boune i Herodias nanari i ahop nu mian da'isan. Ia nanari talalo nomposanang kinyonyoa i Herodes,

MARKUS 9:12

Tinaaman i Yesus, “I Elia memang toka tongkoimoona da mompobeles anu sangga'atan. Panyo mosiamo na han tiba Anak nu Mian? Apaa na sababnyo i uno nu Kitab nu Tumpu tinulis tukoonyo Ia mongoa'i manjoo' na kasansala'an ka' nupopo ise' nu mian?

LUKAS 23:10

Kapala nu to ima-imam ka' to gulu-gulu' agama suele nangadap i kiijo' ka' nontuuk tala-talalo i Yesus.

YOHANES 19:5

Lantas i Yesus nosabat soku-soku na makota ko hii'nyo ka' juba' kamumu'. I Pilatus notatae hi aha, “Toa na mian aiya.”

YAKOBUS 2:2

Kalana de daagi' ko samian anu kaya, anu mompusok sinsing mosoni' ka' baju'nyo ma'ima' toka i kasintomuan, lantas toka suele na samian anu kasiasi, anu nibaju' mae mogea-geat,

YAKOBUS 2:3

saba' komiu lebe mongadati mian anu nipake mae ma'ima' aijo'. Komiu motatae hi ia, “Aiyamae na suhangan Tuan, i kadela anu ma'ima' hondo aiya.” Panyo hi mian anu kasiasi komiu motatae, “Tinjo aijo' mae,” kabai “Suhangmo i salo aiya.”