LUKAS 23:10 - KITAB NU TUMPU ALLA LELE MA'IMAI'

¹⁰ Kapala nu to ima-imam ka' to gulu-gulu' agama suele nangadap i kiijo' ka' nontuuk tala-talalo i Yesus.

LUKAS 23:10 Iomraidhean Croise

MATIUS 27:12

Panyo tempo'nyo Kapala nu to Ima-imam ka' to pola-polaya' nu Yahudi nontaloakonmo posala' anu manjoo' hondo kona hi Yesus, Ia madi' montaami apa-apaa.

LUKAS 11:53

Tempo'nyo i Yesus nompala'imo tampat aijo', to gulu-gulu' agama ka' to mia-mian nu Farisi notataemo hi Yesus, nu potatae anu tala-talalomo ma'idek. Aha nontampu'unimo molio-lio kasala'annyo da Ia motataemo mongkona manjoo' na han.

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

LUKAS 23:2

I kiijo' aha nontampu'unimo nontuuk Ia. Koo-Nyo nu aha, “I humpak mami na Mian aiya, mompogulu' sala' hi mian daisan. Ia nonsale'i mian da boli mombayan hasin hi Tomundo, kalana tukoonyo Ia atina'mo i Kristus samian na Tomundo.”

LUKAS 23:5

Panyo aha lebemo nontuuk mule', “Pangajalan-Nyo na bau ponsale'inyo mian songko-songko i Yudea; momonanyo i Galilea, ka' tempo' uuka ia tinokamo suele i aiya.”

LUKAS 23:9

Kalana aitu i Herodes nompokilawa manjoo' hi Ia, panyo i Yesus madi' hondo nontaami.

SISIKON NU TO RASUL-RASUL 24:5

I humpakmo mami na mian aiya mompokalangkabut anu moko bahaya. Iyaya mae ia mompolubat kahengge'an, aijo' hi aha to mia-mian nu Yahudi ka' ia tinimbalimo polaya' posa'angu'an nu to mia-mian nu Nazaret.