LUKAS 22:39 - KITAB NU TUMPU ALLA LELE MA'IMAI'

³⁹ I Yesus nompala'i kota, ka' i namba susumo biasanyo i Bungkutnyo nu Zaitun, ka' anu saja' mombatuki Ia namba suele ka' Ia.

LUKAS 22:39 Iomraidhean Croise

MATIUS 21:1

Salatan Yerusalem ingohanimo, aha tinokamo i Betfage i Bungkutnyo nu Zaitun. I kiijo' i Yesus nonsai ua'aha na mian anu saja' mombatuki Ia lumajang namba i moona.

MATIUS 26:30

Lapas aitu, aha nonyanyiakon sa'angu' na nyanyian mompuji'. Ka' lapas aitu, aha nambamo i Bungkutnyo nu Zaitun.

MARKUS 11:11

Ahennyo i Yesus tinoka i Yerusalem, lantas ninsoop i Laigan nu Tumpu. I kiijo' Ia nompalahatikan titikub-Nyo. Panyo kalana ohanimo pikat, Ia nambamo nokiijo' i Betania nohingga-hinggat tiba aha sampulu' ka' ohua' na anu saja' mombatuki Ia.

MARKUS 11:19

Ohanimo pihi, i Yesus ka' anu saja' mombatuki Ia nambamo nompala'i kota' aijo'.

MARKUS 13:3

Lapas aitu i Yesus namba i Bungkut nu Zaitun, ka' sinumuhang i tampat anu mompaha ahop tiba Laigan nu Tumpu. Lantas i Petrus, i Yakobus, i Yohanes, ka' i Andreas tinoka hi Ia da basisik tiba Ia ola posi aha.

MARKUS 14:26

Lapas aijo' i nyanyiakon nu aha na sa'angu' na nyanyian pompuji'. Ka' ilapas aijo' aha nambamo nokiijo' i Bungkutnyo nu Zaitun.

LUKAS 21:37

I Yesus nompogulu' i Laigan nu Tumpu sina-sinaa, ka' malomnyo mambamo i Bungkut nu Zaitun ka' jojoongmo kiijo' mae.