LUKAS 22:26 - KITAB NU TUMPU ALLA LELE MA'IMAI'

²⁶ Panyo komiu madi' timbali sumo aijo'. Ola ahi', mian anu opopodaka' atina' hi komiu tionyo timbali sumo mian anu talalo i aluknyo, ka' polaya' tionyo timbali sumo posaihon.

LUKAS 22:26 Iomraidhean Croise

MATIUS 20:26

Panyo komiu madi' timbali sumo aijo'. Ola ahi' mian anu mongka'oho' timbali daka' atina' hi komiu, tionyo timbali posaihonum.

MARKUS 10:43

Panyo komiu madi' timbali sumo aijo'! Sumo aitu mule', mian anu mongka'oho' timbali daka' atina' hi komiu, ia tionyo timbali posaihonnu belemiu.

MARKUS 9:35

I Yesus sinumuhang, lantas nolaga aha sampulu' ka' ohua' na anu saja' mombatuki Ia aijo'. Ia notatae hi aha, “Mian anu mongka'oho' tongkoimoona, ia tionyo timbali tongkoimihi ka' tionyo timbali polaya' iwi-iwi' nu mian.”

LUKAS 9:48

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”