LUKAS 22:19 - KITAB NU TUMPU ALLA LELE MA'IMAI'

¹⁹ Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

LUKAS 22:19 Iomraidhean Croise

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

NYANYIAN ANU TALASANGGO 1:4

Sampamo lia-lia' na kita, o tomundo'ku, boamo mae na aku i uno nu salipi' nu beleyum.

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

MATIUS 14:19

Lapas aitu Ia nonsai mian da'isan aijo' da sumuhang i hemput. Lantas Ia nongala olima' na roti ka' ohua' na ikan, ka' nonsinda langit ka' nompoita balakat hi Tumpu. Lapas aijo' Ia nompuge-puge roti aijo' nu lima-Nyo ka' nombee' hi anu saja' mombatuki Ia da obagi-bagiakon hi mian da'isan aijo'.

MATIUS 15:36

Lapas aijo' Ia nongala popitu' na roti ka' ikannyo, lantas Ia nompoitamo talima kase hi Tumpu. Lapas aijo', Ia nompuge-pugemo roti ka' ikan aijo' nu lima-Nyo, ka' binee'-Nyo hi anu saja' mombatuki Ia. Ka' binagi-bagiakonnyo hi mian da'isan aijo'.

LUKAS 22:17

Lapas aijo' i Yesus nohangkatmo mangko' nu anggur, lantas nontaloakonmo do'a talima kase hi Tumpu, lantas notatae, “Ala na aiya ka' bagi-bagiakon;

LUKAS 22:20

Sumo aitu mule' noko kaan, Ia nombee'mo mangko' nu anggur aijo' hi aha ka' notatae, “Mangko' aiya, salaku pontandai nu Tumpu Allah anu bu'ou anu sinela'mo nu baso'-Ku – baso' anu jinujuhakonmo hi komiu].”

LUKAS 24:30

Tempo'nyo suha-suhang mongkaan tiba aha, i Yesus nongala roti, nontalima kaseh hi Tumpu, nompuge-puge roti aijo' nu limanyo, lantas nombee' hi aha.

YOHANES 6:23

Lapas aijo' daagi' ko to pia-piangkuka na duangan lengkat mae i kota Tiberias tinoka nadaduak koko tampat nu mian da'isan aijo' nongkaan roti salatan ilapas na Tumpu nompoita talima kaseh.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

1 KORINTUS 10:16

Tempo'nyo kita monginum anggur, kita montalima kaseh hi Tumpu, te misa' aijo' mompotiju' saba' kita nosa'angu'mo tiba i Kristus i uno nu han Ia sinilaka? Ka' tempo'nyo kita mombagi-bagiakon roti da okaan hingga-hinggat, te misa' aijo' mompotiju' saba' kita nosa'angu'mo tiba butong i Kristus?

1 KORINTUS 10:4

ka' nonginum inumon nu Tumpu bubuu' pokakana. Aha iwi-iwi' nonginumo i bungkutnyo nu batu rohani anu nonsangaluimo aha; bungkutnyo nu batu aijo', atina'mo i Kristus.

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

GALATIA 4:25

Jadi, i Hagar aijo'mo Bungkutnyo nu Sinai, i lipu' nu Arab. Ia salaku tanda nu kota Yerusalem tiba iwi-iwi' na anu jojoong, uuka aiya tinimbalimo posaihon.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.