LUKAS 21:36 - KITAB NU TUMPU ALLA LELE MA'IMAI'

³⁶ Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

LUKAS 21:36 Iomraidhean Croise

AYUB 27:10

Sabenannyo ia saja' ahi' mongindi kasanangan anu lengkat mae hi Tumpu Allah, ka' balado'a hi Ia boli ma'osa.

MAZMUR 1:5

Mian anu ma'idek na kinyonyoanyo nu hukum nu Tumpu, mian kopiannyo anu mongulus Ia ka' madi'mo opogalum tiba mian anu palesayamo hi Tumpu.

YEREMIA 35:19

Mokonyo aijo', Aku, Tumpu Anu Mahakuasa, Tumpu Allah Israel, balajanji'mo saba' lee' mae i Yonadab anak i Rekhab tionyo ahi' saja' daagi' ko samian na mo'ane na anu mombau apa-apaa na anu Ku palentahkon.”

MALEAKHI 3:2

Tetapi ihe na moko ala totahan i sinaa nu Tumpu anu tokamo mae aijo' ka' mompotoamo butong-Nyo? Kalana Ia sumomo ahi' apu nu tukang anu lewa' monsopu' logam, ka' mule' sumomo ahi' sabung nu tukang baso'i hude.

MATIUS 24:42

Jadi, obala'ingati, kalana komiu madi' monsumbu' hipian na Tumpu miu toka.

MATIUS 24:43

O inau' na aiya! De tumpu nu laigan monsumbu' jam sangkuka pihi na anu montomang toka, ia madi' timbali hoyot, da anu montomang aijo' madi' minsoop i laigannyo.

MATIUS 24:44

Kalana aijo', komiu suele balasadia. Saba' Anak nu Mian toka tempo' nu anu madi' osangka-sangka miu.”

MATIUS 25:13

Lantas i Yesus nompopupus kantuang-Nyo sumo uuka: “Kalana aijo' balajaga-jagamo, sabab komiu madi' monsumbu' sinaanyo kabai jamnyo.”

MATIUS 26:41

Bajaga-jaga, ka' balado'a da komiu boli nu kona nu soba'an. Roh miu mongka'oho' mombau anu totu'u, panyo komiu madi' moko ala, kalana sipat nu mian aijo' madi' moko ala.”

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MARKUS 13:33

Jadi komiu tionyo balajaga-jaga ka' obala'ingati kalana komiu madi' monsumbu' hipian na tempo'nyo.

MARKUS 13:37

Apaa na anu Ku taloakon aiya hi komiu, Ku taloakon suele hi iwi-iwi' na mian: balajaga-jagamo!”

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 18:1

Lapas aijo' i Yesus nonsisikakonmo sa'angu' na kantuangan da bau pompotingan anu saja' mombatuki Ia, da aha aja' balado'a, ka' boli mongoa'i susa'.

LUKAS 20:35

panyo to mia-mian anu pantas po'ule' opotumuu' de silakamo, ka' tumuu' i tempo' anu tokaje mae, aha madi'mo mo'osoa.

LUKAS 21:35

Kalana Sinaa aijo' toka sumo pangkun pohakop mian iwi-iwi' i dunia aiya.

SISIKON NU TO RASUL-RASUL 10:2

Ia mian anu mabuhuk hi Tumpu ka' iwi-iwi' na to utu-utusnyo monsombah Tumpu. Ia saja' montulungi mian nu Yahudi anu kasiasi, ka' ia saja' balado'a hi Tumpu.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

2 KORINTUS 4:14

Opalesaya mami, saba' Tumpu na nompo'ule'mo nompotumuu' i Tumpu Yesus, suele mompotumuu'mo kami tiba i Yesus ka' nomboamo komiu ka' kami i ahop-Nyo.

KOLOSE 4:2

Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

1 TESALONIKA 5:17

ka' saja' balado'a.

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 11:4

Ua'aha na sakisi aijo' atina'mo ohua' na batang nu kau' zaitun ka' ohua' na sulaan nu sulu' anu daagi' kiijo' i ahop nu Tumpu anu mongkuasai songko-songko na dunia.

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”

ANU PINOTO'I HI YOHANES 7:9

Lapas aijo' aku nontoa mule', ka' nondin mian manjoo' hondo – madi' ko samian pe'e na moko ala molekeng konjoo'nyo. Aha to mia-mian anu lengkat mae i toto sa'angu' na bansa, tulunan, negara, ka' basa'. Aha nompusok juba' anu to pute-pute' ka' i lima nu aha paha-paha totoong na to panga-panga' nu kau' palem, mian da'isan haha aijo' tinuminjoo' nongahopi suhangan aijo', ka' mo'ahop hi Anak nu Domba aijo'.

ANU PINOTO'I HI YOHANES 8:2

Lantas aku nontoa malaikat ko popitu'nyo tinuminjomo i ahop nu Tumpu, ka' aha binee'anmo popitu' na tolompet.