LUKAS 21:34 - KITAB NU TUMPU ALLA LELE MA'IMAI'

³⁴ “Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

LUKAS 21:34 Iomraidhean Croise

KAJADIAN 19:32

Imbo', da olangui na tuumanto, lantas kita moduhusmo tiba ia da kita mohumpak anak.”

KAJADIAN 19:35

Sumo aitu mule' pihi-pihi aijo' aha nolangui mule' i Lot, ka' anaknyo anu ko ohua'nyo na noduhusmo tiba ia. Ka' i Lot talalomo nalangu mule' sahingga madi' sinumbu'nyo pa' apaa na anu tinimbali.

KAJADIAN 27:14

Sahingga i Yakub nambamo nongala mee' haha aijo' ka' nomboa mae hi tinanyo, lantas ingunjangmo i Ribka na kaanon anu nuka-nuka'ima'i i Ishak.

MAZMUR 35:8

Sahanyo aha nu tokai mae nu kasilaka'an anu madi' osangka-sangka. Sahanyo aha ohakop nu posi so'o nu aha lantas tombahangkangmo ka' silakamo.

AMSAL 21:4

Mian anu ma'idek na kinyonyoanyo aijo' baladosa', kalana nukuasaimo nu takabun ka kobubuun.

AMSAL 23:20

Boli mosangalu tiba mian anu saja malangu kabai mian anu mabebes,

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

HOSEA 4:11

Tumpu notataemo, “O mian-Ku anu palesayamo, mau anggur anu pininmo, mau anggur anu salaje nongalinimo kamampuan bapikin ihan anu ma'ima'.

IMAMAT 10:9

“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MARKUS 13:9

Komiu tionyo mombala'ingati, kalana komiu o hakop ka' o hela' mokiijo' hi anu momputusi hukuman. Komiu o boboti i to lai-laigan pogalejaan. Komiu oboa mangadap hi anu mongkuasai ka' hi to tomu-tomundo', kalana komiu anu saja' mombatuki Aku. Ka' aijo'mo na kasampatan hi komiu mombee'i katalangan mongkona Aku hi aha.

MARKUS 4:19

panyo kantumuu'an nu aha daagi' bata-bata ka' mongka'ima'i tumuu' sanang. Lupa-lupa na napisu minsoop i uno nu kinyonyoa nu aha. Kalana aijo' lele anu lengkat mae hi Tumpu ingipidanmo nu kinyonyoa nu aha da madi' mimbua'.

LUKAS 10:41

“Marta, Marta!” tinaaman nu Tumpu. “Beleyum bata-bata ka' tasiaga mompopikilakon, aiya ka' aijo',

LUKAS 12:40

Kalana aijo' komiu suele tionyo bajaga-jaga, kalana Anak nu Mian toka, i tempo' anu madi' opoko ala osumbu-sumbu' miu.”

LUKAS 17:3

Kalana aitu, balajaga-jaga! De utusum baladosa', pokinde'i na ia. De ia mompele-pele'mo, ampuniakon na ia.

LUKAS 21:35

Kalana Sinaa aijo' toka sumo pangkun pohakop mian iwi-iwi' i dunia aiya.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

LUKAS 8:14

Bine' anu nanabu' i totonga' nu hemput hii'on, sumomo mian anu mohongo lele aijo', panyo bata-bata i kantumuu'an nu aha, ka' mongindi tumuu' molabi ka' sanang i dunia aiya. Iwi-iwi' aijo' mompeedi aha sahingga madi' mohasinakon bua' matantu.

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

PO'ULE' INGULIT 29:19

Atina' hi belemiu anu nohongomo palentah anu maboat susumo aijo' boli ko anu bapikin tukoonyo sisi'nyo saja'mo na'ima' mau ia sabole-bole ahi' mombatuki posi pongka'oho'nyo. Han aijo' mongideimo belemiu iwi-iwi', to mia-mian anu ma'idek ka' mule' anu ma'ima'.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

2 PETRUS 3:10

Panyo Sinaa katokaan nu Tumpu, toka sumo mian tomang. I Sinaa aijo', langit ma'idekmo sahingga lewa'mo poli-polintup sumo gohung, ka' to apa-apaa aita' i langit mingkotmo motoyo', ka' tano' tiba iwi-iwi na anu i unonyo ma'idekmo.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

ANU PINOTO'I HI YOHANES 3:3

Jadi, po'ule' o inau' apaa na anu ingajanakonmo hi belemiu u'utu mae, ka' apaa na anu i hongomo miu. Pojalanmo na aijo' ka' balatobatmo i to dosa-dosa' miu. De belemiu madi' mobula, Akuje na toka hi belemiu sumo anu montomang; ka' madi' osumbu' miu hipian na tempo'nyo Aku tokamo mae.

1 SAMUEL 25:36

Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.