LUKAS 21:25 - KITAB NU TUMPU ALLA LELE MA'IMAI'

²⁵ “Hi batuje nu sinaa, bitu'on ka' to manda-mandala' otoaje na tandanyo haha aijo'. I dunia aiya bansa-bansa mabuhukmo ka' bingongmo mongahopi buhook tiba bokon to daka-daka' nu ambai.

LUKAS 21:25 Iomraidhean Croise

MAZMUR 46:3

Sahingga kita madi'mo mabuhuk, maumo ahi' tano' tolohunjongmo, ka' bungkutnyo iwi-iwi' tatanomo ilananyo nu ambai;

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

YESAYA 17:12

To bansa-bansa anu toto hoso-hoson ihengge'mo; onyi'nyo lintuban sumomo ahi' buhok nu bokon nu ambai anu taha-tahahumo.

YESAYA 24:23

Bitu'on pikatmo, ka' mule' batu nu sinaa madi'mo majingka, kalana Tumpu Anu Daka' na Kuasanyo mompalentahmo salaku tomundo'. Ia mompalentahmo i Yerusalem aita' mae i Puge'nyo nu Sion ka' mompotoamo katalasanggoan-Nyo hi to pola-polaya' nu aha mian anu palesayamo hi Ia.

YESAYA 5:30

Toka isinaa aijo' songko-songko na Israel kahongoanmo na ais nu anu mahampate sumomo buhok nu bokon da ko daka'nyo. Soba toa songko-songko na lipu' aijo' pinikatmo ka' mule' nompaha genso-gensotmo. Jingka pinikatmo hondo.

YESAYA 51:15

Kalana Akumo na Tumpu nu beleyum, anu nongkembongmo ambai sahingga bokonnyo nombuhokmo. Anu Daka' na Kuasanyo aijo'mo sanggong-Ku.

YEREMIA 4:23

Sasu aiya idunia tinanggalakonku, ka' tinoangku ilongkangmo ka' kinantisanmo, sasu mokiita' ilangit sinindangku, paya', madi'mo najingka.

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

MIKHA 7:4

Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

MATIUS 27:45

Sonsu-sonsu'un na sinaa, kopinnyo totolu' na jam, songko-songko na lipu' tinimbali pinikat.

MARKUS 13:24

“Salatan tempo'mo nu kasusa'an aijo', batu nu sinaa timbalimo pikat, ka' bitu'on madi'mo daagi' minsahaya.

MARKUS 13:26

Tempo'nyo aijo' Anak nu Mian otoantoje na toka i uno nu sehu' tiba kuasanyo anu daka' ka' kamulia'annyo.

MARKUS 15:33

Sonsu-sonsu'un na sinaa, totolu' na jam na kinopinnyo, songko-songko na lipu' aijo' pinikatmo.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

LUKAS 21:26

Mian mongoa'i buhuk mompaipatemo mongahopi apaa na anu jadimo i songko-songko nu dunia aiya, kalana anu mongkuasai aita' mae i langa saidi' mae kalangkabutmo.

SISIKON NU TO RASUL-RASUL 2:19

Aku mompodaagi'je anu okabangangi aita' mae i langit, ka' hahan anu daka' i aluk nu dunia aiya; daagi' saidi' mae ko baso' ka' apu, mombuun ka' tibuk.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.