LUKAS 21:22 - KITAB NU TUMPU ALLA LELE MA'IMAI'

²² Kalana sina-sinaa aijo' aitumo na ‘Sina-sinaa Hukuman Onabu'akonmo,’ da tiba anu sumo aijo' tinimbalimo apaa na anu tinulismo i uno nu Kitab nu Tumpu.

LUKAS 21:22 Iomraidhean Croise

YESAYA 34:8

Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YESAYA 63:4

Aku noko batanga'mo sinaanyo anu pombalosakonanmo ka' tempo'nyo pompobebasanmo mian anu palesayamo hi beleng-Ku.

YEREMIA 51:6

Posalamatmo na belemiu! Popalaimo mae pala'i na Babel dumo belemiu suele opateimo kalana dosa' nu aha! Kalana aiyamo na tempo'nyo Aku mombalosimo palabuatan ma'idek anu binaumo nu aha Babel, ka' mohukumo ia sitimbang tiba palabuatan nu aha.

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 1:22

Iwi-iwi' aijo' jinadi sumo aitu da ganaap apaa na tinaloakonmo nu Tumpu ka' anu pinoto'imo nu nabi-Nyo, aijo'mo,

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

PO'ULE' INGULIT 32:34

Nu inau' nu Tumpu apaa na anu binaumo nu sampobali' nu mian anu pinalesayamo hi Ia ka' mohukummo aha de tokamo i tempo'nyo.

PO'ULE' INGULIT 32:43

O bansa iwi-iwi', puji' na mian anu pinalesayamo hi Tumpu, kalana Tumpu mohukum iwi-iwi' na anu mompatei aha. Ia na mombalosakon hi sampobali' nu aha panyo mongampuni dosa' nu mian anu pinalesayamo hi Ia.”

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.