LUKAS 21:16 - KITAB NU TUMPU ALLA LELE MA'IMAI'

¹⁶ Komiu saidi' mae nukabisa'i nu tina ka' tuumaum nu to utu-utusum, nu anak nu to tomi-tominsanum tiba to sanga-sangaluyum. Sambagian na komiu saidi' mae nupatei nu aha.

LUKAS 21:16 Iomraidhean Croise

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 9:4

Maumo ahi' sangalu, panyo batu-batu mian na saja' ahi' balajaga-jaga ka' mau mule' utus sa'a-sa'angu' na ma'alum madi'mo timbali opalesaya. Kalana, susumo i Yakub sumo aijo'mo na aha, toto samian nongakalimo utusnyo. Batu-batu mian mambamo iyaya mae da sola' monsisik pitana' hi mian ka' sola' baleko'.

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

MARKUS 13:12

Mian mongkabisa'i posi utusnyo da opatei. Aijo' suele timbali hi tuuma tiba anaknyo. To anak-anak mongewa tina tuumanyo, ka' mombee' aha da opatei.

LUKAS 12:53

Tuuma mongewa anaknyo mo'ane, ka' anaknyo mo'ane mongewa tuumanyo. Tina mongewa anaknyo boune, ka' anaknyo boune mongewa tinanyo. Tina nu monian mongewa moniannyo boune, ka' monian boune mongewa tinanyo nu moniannyo.”

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

LUKAS 21:17

Komiu saidi' mae nuka'ideki nu mian iwi-iwi', kalana komiu mombatuki Aku.

SISIKON NU TO RASUL-RASUL 12:2

Ia nompalentah i Yakobus, utus i Yohanes opatei nu bajak.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 6:9

Lapas aijo' Anak nu Domba aijo' nombeakmo segen anu ko olima'nyo. Sahingga aku nontoa i aluk nu mezbah daagi' ko santuu' nu to mia-mian anu i natemo pinatean kalana aha nompototu'umo potuunon anu lengkat mae hi Tumpu anu sinakisianmo nu aha.