LUKAS 21:10 - KITAB NU TUMPU ALLA LELE MA'IMAI'

¹⁰ Lantas i Yesus nolausakon sisik-Nyo tukoo-Nyo, “Bansa sa'angu' mahampate mongewa bansa sangga'at, ka' sa'angu' na negara montumbuhi negara sangga'at.

LUKAS 21:10 Iomraidhean Croise

YESAYA 19:2

Tumpu notataemo, “Aku mompojadimo pahampatean utus mongewa utusnyo i Mesir: Anu mompaha ohani laigan mompaha ewa-ewamo kota' mongewamo kota', kalaja'an mongewamo kalaja'an.

ZAKHARIA 14:13

I sinaa aijo' Tumpu mompobingongmo bansa-bansa sahingga mabuhukmo ka' mule' batu-batu mian mohakopmo sangalunyo anu isohipi'nyo ka' nu pateimo.

MARKUS 13:8

Bansa sa'angu' mahampate mongewa bansa sangga'at. Negara sa'angu' mahampate tiba negara sangga'at. Iyayamae timbali na luulu' ka' balaa' nu kapo'ohopan. Iwi-iwi' aijo' sala'je tampu'unannyo, sumo masakit anu o'oa'i nu samian na boune anu kahanda'mo monganak.

LUKAS 21:11

Iyayamae toka na luulu' anu daka', balaa' nu kapo'ohopan tiba panyakit anu molele. Saidi' mae toka na hahan anu okabuhuk ka' opalias hondo i langit.

LUKAS 21:9

Boli mule' komiu mabuhuk de komiu mohongo lele nu pahampatean tiba pahantuda'an. Iwi-iwi' aijo' tionyo timbali imoonanyo. Panyo aijo' misa' alati'nyo tempo'nyomo na kiamat.”

SISIKON NU TO RASUL-RASUL 11:28

Aijo' hi aha daagi' ko samian sanggonyo i Agabus. Roh nu Tumpu na nongkakeha ia sahingga nompoto'i apaa na anu jadi aiya mae i ahop, koonyo songko-songko na dunia tionyo toka na tempo' nu kapo'ohopan anu daka'. (Ka' han aijo' jinadimo suele tempo'nyo pamalentahan i Tomundo Klaudius.)

IBRANI 12:27

Potatae “daagi' minsan” mompoto'i saba' songko-songko na dunia anu pinotimbalimo, o gegut ka' o alini, da anu daagi' tontuha' ola anu madi' opoko ala o gegut.