LUKAS 20:36 - KITAB NU TUMPU ALLA LELE MA'IMAI'

³⁶ Baunyo nu aha sumomo malaikat, ka' madi'mo silaka. Aha te ana-anakmo nu Tumpu, kalana aha po'ule'mo tinumuu' lengkat i kapatean.

LUKAS 20:36 Iomraidhean Croise

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

ZAKHARIA 3:7

“De beleyum montuluti ahi' atulan-Ku ka' mombau pakalaja'an anu Ku bee' hi beleyum saba' saja'mo ahi' beleyum na timbali bau polaya' i uno nu Laigan-Ku ka' mongkalesang natannyo. Ku hongoje na do'a nu beleyum susumo Aku mohongo do'a nu to mala-malaekat anu ohani hi beleng-Ku.

MATIUS 22:30

Kalana de mian mate po'ule'mo tumuu', aha madi'mo daagi' mo'osoa panyo aha tumuu'mo susumo malaikat i suluga'.

MARKUS 12:25

Kalana de to mia-mian silaka po'ule'mo tuumu', aha madi'mo po'ule' mo'osoa, panyo aha tumuu'mo sumo malaikat i suluga'.

ROMA 8:16

Roh nu Tumpu tiba roh to momponyata' saba' kita aitu ana-anak nu Tumpu.

1 KORINTUS 15:26

Sampo bali' anu imihinyo opotundu' aijo'mo kapatean.

1 KORINTUS 15:42

Sumo aitu mule' saidi' mae na balu-balu'nyo nu to mia-mian silaka anu po'ule' opotumuu'. Butong anu olamun aijo', aijo'mo butong anu timbali ma'idek; panyo butong anu po'ule' opotumuu', aijo'mo butong anu madi' toho' ma'idek.

1 KORINTUS 15:49

Susumo kita uuka aiya pokakana i Adam tano' na binau, saba' saidi' mae kita timbalije sumo Ia anu lengkat mae i suluga'.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

ANU PINOTO'I HI YOHANES 20:6

Mohumpakmo ka'ima'an na to mia-mian anu po'ule'mo o potumuu' i bahagian anu momonanyo aijo'. Aha konanyomo na timbali anumo nu Tumpu. Kasilakan anu kopinduannyo madi'mo mongkuasai aha. Aha timbalimo to ima-imam nu Tumpu, ka' to ima-imam i Kristus; ka' aha mompalentahje tiba Ia kopinnyo samadala na taun.

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”