LUKAS 20:21 - KITAB NU TUMPU ALLA LELE MA'IMAI'

²¹ Jadi to mia-mian anu pinonsuu' akonan aijo' notataemo hi Yesus, “Kita Tuumangku Gulu', osumbu' mami iwi-iwi' na anu tinaloakontomo nu Kita Tuuma ka' pinogulu'mo aijo' totu'u. Osumbu' mami mule' Kita Tuuma mompogulu' mana-manasa mongkona kahanda' nu Tumpu hi mian, kalana Kita Tuuma, madi' mompile'i mian.

LUKAS 20:21 Iomraidhean Croise

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 12:2

Tulungiakon mae na kami, o Tumpu, kalana madi'mo daagi' ko mian anu ma'ima' na kinyonyoanyo, mian anu mohongo-hongo Belento i madi'anmo.

MAZMUR 55:21

Anu u'utu mae toho'binau sangalungku nolambanimo mae to sanga-sangalunyo, ia madi'mo nontoongi anu jinanji'nyomo.

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MARKUS 12:14

Aha tinoka hi Yesus ka' notatae', “Tuumangku Gulu', osumbu' mami kita Tuuma madi' tageo', ka' madi' montoa pikilan nu sangga'at. Kita Tuuma mongajan anu sahondo-hondonyo mongkona kahanda' nu Tumpu hi mian, kalana kita Tuuma madi' mompile'i mian. Yoh, soba taloakonmo mae nu kita Tuuma hi kami, ‘De mombatuki atulan nu agamanto, pa' timbali na kita mombayan hasin hi Tomundo, kabai madi'? Tionyo na kita mombayan hasin aijo' kabai madi'?’ ”

LUKAS 20:20

Jadi aha molio kasampatan anu ma'ima'. Aha nonsuu'akon hi mian da montiho susumo mian tobos, ka' monsai mian haha aijo' mompoki-pokilawa apa-apaa hi Yesus da o humpak na kasala'annyo, da aha timbali momboa Ia hi anu ko kuasa ka' pamalentah nu Gubernur.

LUKAS 20:22

Mokonyo sumo aitu, soba Kita Tuuma taloakonmo mae hi kami, mosia na atulan nu agamanto, pa' timbali mombayan hasin hi Tomundo kabai madi'?”

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.