LUKAS 2:46 - KITAB NU TUMPU ALLA LELE MA'IMAI'

⁴⁶ Kino itolunnyo na nolio, i humpakje nu aha na Ia i uno nu Laigan nu Tumpu. Ia hau-haunyo suha-suhang mohongo gulu-gulu' agama, ka' mompoki-pokilawa.

LUKAS 2:46 Iomraidhean Croise

1 TOMU-TOMUNDO' 12:12

Tinoka kino itolunnyo i Yerobeam ka' iwi-iwi' na mian haha aijo' po'ule' mule' nangadap hi Tomundo' Rehabeam, susumo anu pinalentahkonnyomo.

1 TOMU-TOMUNDO' 12:5

Tinaaman i Rehabeam, “Pe'e da ku tutugi. Toka itolun po'ule'je toka mae.” Sahingga mian haha aijo' ninsusule'mo.

YESAYA 50:4

Tumpu Anu Matangkas na Kuasanyo nompogulu'mo aku notatae, da potataengku mompohoson mian anu ilusekmo. De subu-subumo Nu po ingatmo mae na anu nu ka'ima'i nu kinyonyoangku, da mohongomo pangajalan-Nyo anu obee' hi belengku.

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

LUKAS 2:47

Iwi-iwi' na anu nohongo Ia binangang kalana pontaami-Nyo minsoop i akan.

LUKAS 5:17

Daagi' ko sansinaan tempo'nyo i Yesus hau-haunyo mongajan, daagi' ko to pia-piangkuka na mian nu Farisi tiba to gulu-gulu' agama sinumuhang i kiijo'. Aha tinoka lengkat mae i Yerusalem tiba lengkat mae i to kota-kota Galilea ka' i Yudea. Kuasa nu Tumpu daagi' hi Yesus, da nompa'alin to mia-mian masakit.

YOHANES 3:10

I Yesus nontaami, “Beleyum gulu' nu Israel; ka' kadaka' madi' nusumbu'?

SISIKON NU TO RASUL-RASUL 5:34

Panyo anu kiijo' i sangalu nu Mian Kopian Daka' nu Agama aijo' daagi' ko samian na mian nu Farisi sanggonyo i Gamaliel. Ia gulu' agama anu otabea'i hondo nu iwi-iwi' na mian. Ia tinuminjo lantas nonsai momboa monsabatakon to rasul-rasul haha aijo' sasaingoni'.

1 TIMOTIUS 1:7

Aha mongka'oho' timbali to gulu-gulu' nu agama, padahan posi aha madi' mompangalati'i potatae anu nupake nu aha kabai to hahan anu nutaloakon nu aha ka' anu talalomo nupalesaya nu aha.