LUKAS 2:40 - KITAB NU TUMPU ALLA LELE MA'IMAI'

⁴⁰ Anak aijo' kino daka-daka'nyomo ka' nahosonmo. Ia pande hondo ka' talalo nukalibosi nu Tumpu.

LUKAS 2:40 Iomraidhean Croise

MAZMUR 22:9

Aha notatae, “Bakas da ia taha'iman hi Tumpu, da nuposalamat nu Tumpu na ia, de sanang na Tumpu hi ia!”

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

LUKAS 1:80

Anak i Zakharia kino daka-daka'nyomo, ka' kino hoso-hosonnyomo na rohnyo. Ia jinojoong i padang bolaa, sampe tinokamo na tempo'nyo ia nompotoamo butongnyo hi bansa Israel.

LUKAS 2:47

Iwi-iwi' na anu nohongo Ia binangang kalana pontaami-Nyo minsoop i akan.

LUKAS 2:52

I Yesus kinodaka-daka'nyomo, ka' kino pande-pandenyomo, tiba mule' nukalibosi nu Tumpu, ka' nuka'ima'i nu mian.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

SISIKON NU TO RASUL-RASUL 4:33

Tiba kuasa anu daka', to rasul-rasul aijo' mombee'i katalangan saba' i Yesus po'ule'mo tinumuu'. Sahingga Tumpu talalomo nombalakati aha.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

TO MIA-MIAN KOPIAN 13:24

Tinopia-piangkuka na bitu'on lapas aijo' bengkele' i Manoah nohampeakonmo samian na anak mo'ane, lantas sinanggohannyomo i Simson na ia. Anak aijo' kino daka-daka'nyomo ka' binalakatanmo nu Tumpu;

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.

1 SAMUEL 2:21

I Hana binalakatanmo nu Tumpu Allah, sahingga nohampeakonmo mule' aha totolu' na anak mo'ane ka' ua aha na anak boune. I Samuel kino daka-daka'nyomo ka' ia saja'mo mombau anu nu palentahkon nu Tumpu.

1 SAMUEL 2:26

Panyo anak aijo' i Samuel kino daka-daka'nyomo ka' nompaka kinaima'anmo nu Tumpu ka manusia ka' iwi-iwi' na mian.

1 SAMUEL 3:19

I Samuel kinodaka-daka'nyomo. Tumpu saja'mo nombalakati ia, ka' apa-apaa na nu taloakon i Samuel totu-totu'u jadi.