LUKAS 2:25 - KITAB NU TUMPU ALLA LELE MA'IMAI'

²⁵ Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

LUKAS 2:25 Iomraidhean Croise

KAJADIAN 6:9

Aiya na sisikon mongkona i Nuh. Ia kino anak mo'ane aha totolu', aitumo, i Sem, i Ham, ka i Yafet. I Nuh madi' nombau kasala'an ka' ola sa'a-sa'angu'nyomo ia na mian anu ma'ima' na kinyonyoanyo tempo'nyo aitu. Kantumuu'annyo mompaha kona hondo tiba Tumpu Allah.

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

AYUB 1:8

Lantas pinokilawamo nu Tumpu, “Pa' totu-totu'u tinoamo nu beleyum na mianku i Ayub? I dunia aiya songko-songko madi' ko mian anu ma'ima' na kinyonyoa sumo ia. Ia monsombah Aku ka' totu-totu'u madi' lewa' mombau anu ma'idek.”

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 40:1

Sumo uuka potatae nu Tumpu nu belemiu, “Hase'mo-hase'mo na bansang-Ku!

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

NOMBILANGMO 11:25

Lantas Tumpu nintatau'mo mae i kundom ka' notataemo hi Musa. Tumpu nongalamo sambagian na kakuasa'an anu binee'-Nyomo hi Musa lantas binee'-Nyomo hi aha pitumpulu' na polaya' aijo'. Salatan Roh nu Tumpu aijo' nintatau'mo hi aha, nontampu'unimo na aha lewa' notatae susumo nabi, panyo madi' pinin.

NOMBILANGMO 11:29

Tinaaman i Musa, “Kadaka' Beleyum mompopikilakonmo aku? La ahi' aku montaha'imani da Tumpu mombee'i Roh-Nyo hi iwi-iwi' bansa-Nyo, ka' mompojadi aha iwi-iwi' timbali nabi!”

LUKAS 1:41

Ka' salatan i Elisabet nohongomo tabea' i Maria i uno nu ma'alum hi Elisabet nongkohenggomo. Lantas i Elisabet kinuasanmo nu Roh nu Tumpu,

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

LUKAS 1:67

I Zakharia, tuuma nu anak aijo', kinuasanmo nu Roh nu Tumpu Allah, sahingga ia nompotoka potuunon nu Tumpu. Ia notatae,

LUKAS 2:38

Pas tempo' aitu mule' ia tinokamo, lantas nompuji'mo Tumpu Allah, ka' nonsisik Anak aijo' kona hi iwi-iwi' na mian anu montanda'i tempo'nyo Tumpu mompobebas Yerusalem.

SISIKON NU TO RASUL-RASUL 10:2

Ia mian anu mabuhuk hi Tumpu ka' iwi-iwi' na to utu-utusnyo monsombah Tumpu. Ia saja' montulungi mian nu Yahudi anu kasiasi, ka' ia saja' balado'a hi Tumpu.

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 2:5

Tempo'nyo aitu manjoo' na mian nu Yahudi, lengkat iyaya mae na lipu' songko-songko na dunia, jojoong i Yerusalem. Aha aitumo na to mia-mian anu mohongo-hongo hi Tumpu.

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.