LUKAS 2:16 - KITAB NU TUMPU ALLA LELE MA'IMAI'

¹⁶ Lia-lia' na aha namba, ka' nonsingkaboti i Maria tiba i Yusuf, tiba mule' bungamea' anu pinomale' i pompakanan domba.

LUKAS 2:16 Iomraidhean Croise

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

LUKAS 1:39

Lia-lia' ilapas aijo', i Maria namba i sa'angu' na kota i Yudea, i da'erah bungkutnyo.

LUKAS 19:32

Ua-ua'aha na anu saja' mombatuki Yesus aijo' namba, tinokannyo iwi-iwi' sumo anu tinaloakon-Nyomo.

LUKAS 2:12

Aiyamo na tandanyo: Komiu mambaje montoa samian na bungamea' anu sinabutan nu hude, ka' pinomale' i uno nu pompakanan domba.”

LUKAS 2:15

Salatan mala-malaikat nompala'imo aha ka' ninsusule'mo i suluga', to pola-polaya' aijo' notatae hi samian ka' samian, “Imbo' da kita mamba i Betlehem montoa pa'apaa na anu tinimbalimo kiijo', anu pinoto'i nu Tumpu hi kita.”

LUKAS 2:17

Salatan to pola-polaya' domba nontoa bungamea' aijo', sinisikmo nu aha na anu tinaloakon nu to mala-malaikat mongkona bungamea' aijo'.

LUKAS 2:7

Ia nohampeakon samian na anak mo'ane, anaknyo anu tumpe. Anak aijo' sinabutannyo nu hude, ka' pinomale'nyo i tampat pompo'una'an hemput; kalana aha madi' nohumpak panumpangan.

LUKAS 22:13

Atina' ka' i namba na i Petrus tiba i Yohanes, lantas nontokai iwi-iwi' totu'u sumo anu tinaloakonmo i Yesus. Aha nomposadiamo kaanon nu Paskah aijo'.