LUKAS 2:12 - KITAB NU TUMPU ALLA LELE MA'IMAI'

¹² Aiyamo na tandanyo: Komiu mambaje montoa samian na bungamea' anu sinabutan nu hude, ka' pinomale' i uno nu pompakanan domba.”

LUKAS 2:12 Iomraidhean Croise

2 TOMU-TOMUNDO' 19:29

I Yesaya nompoto'imo potunonnyo hi Hizkia, “Aiyamo na bau tanda hi beleyum. Taun uuka aiya ka' taun aiya mae i ahop, mian mongkaanmo gandum anu mosi tumuu'. Panyo lapas aijo' aha timbalimo motugan gandum tiba anggur atina'je ka' nu kaan nu aha na hasinnyo.

2 TOMU-TOMUNDO' 20:8

I Tomundo' Hizkia nompokilawamo, “Apaa na bau pontandaian Tumpu mompaalin aku, sahingga hipuan aku moko alamo mamba i Laigan nu Tumpu?”

MAZMUR 22:6

Aha mongkakasemo da otulungi, lantas aha madi'mo sinilaka; aha montaha'imani, lantas aha madi'mo ingise-ise' na kinyonyoa nu aha.

NOSABATMO 3:12

Tinaaman nu Tumpu Allah, “Ku tulungije na beleyum. Ka' de bansa aijo' nu boamo mosabat lengkat i Mesir, belemiu monsombahmo hi beleng-Ku i bungkutnyo aiya. Aijo'mo na pontoan taalu' aku nonsaimo beleyum.”

YESAYA 7:11

“Poita da Tumpu Allah nu beleyum mombee'i mae sa'angu' na tanda hi beleyum pa' lengkat mae i dunia nu mian anu sinilakamo i aluknyo kabai lengkat mae aita ilangit.”

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

LUKAS 2:13

Monti-montiik malaikat aijo' sinangaluan nu malaikat manjoo' sangga'at, mompuji' Tumpu. Aha notatae,

LUKAS 2:7

Ia nohampeakon samian na anak mo'ane, anaknyo anu tumpe. Anak aijo' sinabutannyo nu hude, ka' pinomale'nyo i tampat pompo'una'an hemput; kalana aha madi' nohumpak panumpangan.

1 SAMUEL 2:34

Salaku tanda saba' iwi-iwi' na anu pinoto'ing-Kumo totu'u saidi mae tionyo ahi' jadi, anak nu beleyum ua aha aijo' i Hofni tiba i Pinehas silaka i uno nu sansinaa.