LUKAS 2:11 - KITAB NU TUMPU ALLA LELE MA'IMAI'

¹¹ Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 2:11 Iomraidhean Croise

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MAZMUR 2:2

To tomu-tomundo' nu dunia singkapmo sinumikakan tinuminjo ka' to mia-mian anu montoongi kakuasa'an binasale'mo mongewa Tumpu ka' tomundo' anu pinile'an-Nyomo.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 16:20

Lapas aijo' i Yesus nompo'ingatmo anu saja' mombatuki Ia, da aha madi' mompoto'i hi ihehemo, taalu' Iamo na Tomundo anu Momposalamat.

LUKAS 1:43

Ihe na aku sahingga tina nu Tumpu kona hi belengku?

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

LUKAS 2:26

ka' Roh nu Tumpu nompoto'imo hi ia, saba' ia ma'isa silaka de ma'isa pe'e montoa Tomundo anu Momposalamat, anu jinanji'mo nu Tumpu.

LUKAS 2:4

I Yusuf mule' namba lengkat i Nazaret i Galilea, namba i Betlehem i Yudea, tampat kinahampean i Tomundo Daud; kalana i Yusuf lee' i Daud.

YOHANES 1:41

Lia-lia' na i Andreas nolio i Simon utusnyo ka' notatae hi ia, “Kami siningkabotmo i Mesias!” (Mesias pokakanamo i Kristus, aijo'mo: Tomundo anu Momposalamat.)

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 11:27

“Tumpu,” tinaaman i Marta, “Ku palesaya, i Tumpu Anak nu Tumpu, Tomundo' anu Momposalamat anu saidi' mae toka i dunia aiya.”

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 4:25

Boune aijo' notatae hi Yesus, “Kusumbu' Tomundo anu Momposalamat (anu osanggohi Kristus) tokaje mae. De Ia tokamo iwi-iwi' na apa-apaa nu poto'ije hi kita.”

YOHANES 4:42

Aha notatae hi boune aijo', “Kami palesayamo uuka aiya, misa' ola kalana apaa na anu tinaloakonmo nu beleyum hi kami, panyo kalana posi ihongomo mami na Ia, ka' nonsumbu'mo taalu' memang Ia anu Momposalamat dunia.”

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

YOHANES 7:41

Sangga'at notatae, “Aiyamo na Tomundo anu Momposalamat!” Panyo daagi' mule' ko anu notatae, “Ha, te toho' Tomundo anu Momposalamat toka lengkat mae i Galilea?

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 13:23

Lengkat i lee' i Daud aijo'mo na Tumpu nomposadiakon hi bansa Israel samian na Tomundo anu Momposalamat, sumo anu noko janji'-Nyomo. Ka' i Yesus aijo'mo na Tomundo anu Momposalamat.

SISIKON NU TO RASUL-RASUL 17:3

Mintoong i aya-ayat nu Kitab nu Tumpu, ia nompotalangakon ka' momponyata' saba' Tomundo' anu Momposalamat anu jinaji nu Tumpu palalu pe'e sansala ka' po'ule' tumuu' lengkat i kapatean. “I Yesus anu pinolelengku hi komiu aijo', Iamo na Tomundo' anu Momposalamat anu jinanji'akonmo,” koonyo i Paulus.

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

1 KORINTUS 15:47

I Adam anu momona tano' na binau, panyo i Adam anu ko ohua'nyo nolengkat mae i suluga'.

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

KOLOSE 2:6

To Utu-utus nontalimamo i Kristus Yesus salaku Tumpu. Mokonyo aijo' tionyo ahi' komiu tumuu' mosa'angu'mo tiba Ia,

1 YOHANES 4:14

Kami nontoamo Anak nu Tumpu, ka' kami nompolelemo Ia, anu sinai mae nu Tuuma da timbali Tomundo anu Momposalamat dunia aiya.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.