LUKAS 2:10 - KITAB NU TUMPU ALLA LELE MA'IMAI'

¹⁰ Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

LUKAS 2:10 Iomraidhean Croise

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 41:27

Aku, Tumpu na momona nompolele hi Sion; Aku na nonsai aku nomboa lele ma'ima' hi aha Yerusalem.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 14:27

Panyo i Yesus lau-laus nontaami, “Potanang! Aku i Yesus. Boli mabuhuk!”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 28:5

Malaikat aijo' notatae hi to bou-boune aijo', “Boli mabuhuk! Kusumbu' komiu molio i Yesus anu sinalibmo aijo'.

MARKUS 1:15

Koo-Nyo, “Tumpu malia'mo montampu'uni mompalentah. Balatobatmo bolimo mombau dosa-dosa'um, ka' opalesayamo na Lele Ma'ima' anu lengkat mae hi Tumpu!”

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 1:30

Lantas malaikat aijo' notatae hi belenyo, “Boli mabuhuk, Maria, kalana beleyum nusetujui nu kinyonyoa nu Tumpu.

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 8:1

Madi' pinin lengkat i aijo', i Yesus nambamo i kota-kota ka' i kampu-kampung da mompolele Lele Ma'ima', saba' Tumpu Allah montampu'unimo mompalentah susumo Tomundo. Sampulu' ohua' na anu saja' mombatuki namba hingga-hinggat ka' Ia.

SISIKON NU TO RASUL-RASUL 13:32

Jadi, uuka aiya kami mompotokakon Lele Ma'ima' aijo' hi komiu: Apaa na anu jinanji'akonmo nu Tumpu hi mompolee'to,

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.