LUKAS 19:6 - KITAB NU TUMPU ALLA LELE MA'IMAI'

⁶ I Zakheus lia-lia' nintau' ka' nontalima i Yesus, ka' ilame'mo.

LUKAS 19:6 Iomraidhean Croise

YESAYA 64:5

Belento molalabot mian anu hodi' na kinyonyoanyo ka' anu tumuu' montuluti pongka'oho' nu Belento. Belento nontambuha'imo kami panyo kami tataap ahi' baladosa' memang naipuan pe'e mae kami sinala'mo.

LUKAS 19:5

Salatan i Yesus tinoka i kau' aijo', ia nonsinda nokiita' ka' notatae, “Zakheus, pintau' mae lia-lia'! Kalana aku tionyo sonso' i laiganum sinaa aiya.”

LUKAS 19:7

Iwi-iwi' na mian anu nontoa aijo' nontampu'unimo nongo-nguyung. Aha notatae, “Se'! Ia mamba sonso' i laigan nu mian anu madi' ma'ima'!”

LUKAS 2:16

Lia-lia' na aha namba, ka' nonsingkaboti i Maria tiba i Yusuf, tiba mule' bungamea' anu pinomale' i pompakanan domba.

LUKAS 5:29

Lapas aijo' i Lewi nombau bau-bauon i laigannyo molabot i Yesus. Da'isan na topo tage hasin ka' to mia-mian sangga'at mongkaan hingga-hinggat ka' aha.

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 16:34

Lapas aijo' ia nomboa i Paulus ka' i Silas nokiijo' i laigannyo ka' nombee'i nongkaan aha. Ia ka' iwi-iwi' to Utu-utusnyo sinanangmo hondo kalana aha uuka aiya pinalesayamo hi Tumpu.

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.